انا وااايد محتاره في تصميم غرفتي لانها ما عيبتني من ناحية التخطيط للاسف
المفروض باب الدريسنغ روم ما يكون عدال السرير صح…
وفي نفس الوقت السرير اذا كان مجابل الباب يعطي شكل جمالي اكثر للغرفه
هذي صوره بسيطه من رسمي المتواضع يا ريت تساعدوني فيها من ناحية مكان السرير الكبت التسريحه واريد بعد قعده بسيطه
https://hh7.net/Jul/hh7net_38cc6c02f31.bmp
https://hh7.net/Jul/hh7net_38cc6c02f31.bmp
بقولج وجهة نظري مع اني مهندسه معماريه مب مهندسة ديكور
برايي المفروض ابدا مايكون الباب مواجه للسرير لان المفروض يكون السرير مب مكشوف يوم تبطلين الباب
انا لو مكانج اخلي السسرير على يمين باغب الغرفه يعني راس السرير على جدار الحمام
وتخلين هالجدار عليه اطار من الجبس وتخلين داخل الاطار هذا ورق جدران مناسب يعني مثلا
لو صبغ الغرفه لون بيج بتخلين ورق الجدران بيج فيه نقش مذهب او عنابي او زيتي حسب الالوان اللي تحبينها واللي راح تناسب فرش السرير والستاير عقب
واخلي على زاويه الغرفه اللي فيها شباك قعده صغيره من كرسيين بالزاويه
abeerbawab انتي مصممة ديكور وهل الصور محلكم..روعه بصراحه