ممكن من الحلوات اللي سافرن جزر المالديف يدخلن

**السلام عليكم ورحمة الله وبركاته**

شحالكن خواتي سيدات الامارات ,عساكن اللى بخير

ابي اسأل الحلوات اللي زارن جزر المالديف
انا وريلي نبي نسافر فالصيف , واااااايد يلسن نفكر فالدوله اللي رح نسافرلها , واخر شيء قررنا نروح جزر المالديف , لان واحد من ربعه واااايد مدحها .

انتن شو رايكن هل نعتمد السفره ؟
و شو الاشياء اللي شفتنها اوكي والاشياء اللي مب اوكي فالجزيره ؟
نحن مقررين نسافر شهر 8 هل الجو حلو في هالفتره ؟
هل هي زحمه , يعني عالبحر في اجانب يتشمسو( هههههه متعقده منهم )؟

وابا من اللي ما عنده اي معلومه دعوه حلوه

المالديف أنا سرتلهااا 5 مرات .. واايد أحبهااا

الجزر اللي سرتلهن :

1. الفور سيزن .. كان شهر العسل … الجزيره حلوه و هاديه والشاليه اللي ما خينه ( الوتر بانغلو ) اللي هن فوق الماي .. والفيو وايد حلو ..

2. السن آيلند .. 4 مرات سرتلهااا .. أحبهاا .. تعتبر أكبر جزيره في المالديف .. ومن كبرهااا إتأجرين سيكل .. نظاامهااا شي شاليهات فوق الماي .. وشي شاليهات قريبه من البحر ..
أممم فيهاا عياده + سبـــــــــا حلو + مطاعم التايلندي و الايطالي ومطعم قريب البحر .. ومطعم خاص لشاليهات الوتر بانغلو + والناني مال البيش بانغلو .. عندج كل أنواع الرياضات البحريه متوفر سنوركلينغ + سكوترات + البنانا …الخ .. وإذاا ريلج سماج يحب الصيد شي رحلات صيد السمج + رحلات الدلافين + رحلات إستكشافيه تمرون إتشوفون الجزر الثانيه + الغواصه ..

واحلا شي .. أجرنااا جزيره قريبه لنص نهاااااااااااار .. يعني مول محد عدنااا خذناا رحتنااا
وشو بعد .. الجو مب بارد ومب حار موت .. آخر مره سرناا ماشاء الله شو المطر ما وقف والغيم .. وكلووو تبن الاجااانب يعنـــــــــــــــــــــــي مول ماشي بحر حق التشميس

|واي سؤال انا حاضره .. تقدرين إتشوفين موضوعي مال الصيف 2024 فيهاا صور عن المالديف ..

مشكوره الغلا عالرد الحلو
ههههههه ماء شاء الله 5 مراااات ما مليتي من المنطقه
انا و ريلي مقررين نيلس سبوع مادري احس وااايد ملل اذا يلسنا اكثر , انتي شو رايج , يعني انتي من العاده يوم تروحي كم يوم تيلسي هناك ؟؟؟؟

وثانكيووووو

لاااا ياا ختي ما مليت منهااا … سري مقطوع هناك .. هيه الرحله تعتبر إستجمام يعني كل الضغوطات تفرينهن بحر .. وتردين البلاد فريش ..
هيه إسبوع يكفي .. لانهن يمرن بسرعه بس لازم ترتبون الايام سوي برنامج كل يوم لازم تسون شي ..
مره سيرو السبااا .. وسيرو الرحلات ومره إنزلو البحر … الخ ..

من رااي إحجزي الوتر بنغلو مثلا 3 ليالي والبيتش بانغلو + حوض سباحه خاص فيكم مثلا ليلتين .. ومن غير الاشياء اللي بتسونهااااا هناااك .. هيه نسيت اخبرج تراا شي بعد صاله فيهااا ألعاب الكترونيه نحنا نيلس و نعلب دووووووم ..

تبين ترتيب حلو .. عن طريق شركه ريلي يتعامل ويااهم بالاحرى يعرفونه خبريني بطرشلج إسم الريال .. واايد زينين …

فديت روحج الغلا وااااايد استفدت منج
واااااااااايد اتحمست خاطري اسافر اليوم قبل باجر خخخخخ , انا من متى خاطري في مسبح خاااااص

حبوبه بتعبج وياي, ممكن التفاصيل واسم الريال ورقمه عالخاص ؟

ومشكوووره مره ثانيه

إن شااء الله من عيوني .. بطرشلج الرقم