انا كويتية وقريب عرسي
ريلي من الامارات . والعرس بيكون في الامارات
اريدكم تقولولي
وين احط ميكب ( اماكن في دبي او ابوظبي )؟
ممكن صوالين عشان التجهيز والحنا والمنكير بوديكير؟
والمسكه وين اسويها؟
ومتى اخذ الجنط لبيت ريلي؟
لو ماعليكم امر تخبروني وين ممكن أاجر أطقم ذهب راقيه ؟
اممم اريدكم توضحولي يعني اممم
لو صار الجماع من اول ليلة اكون لابسه متجهزه ولا كيف ممكن تشرحولي
واريد صوالين في دبي للميكب الخفيف او رسمة العين يعني شي حلو حق اول ايام العروس
الله يرضى عليكم ردو علي بأسرع وقت الموضوع موترني حييل ><"
المسكة سويها عند سفير او اروشي او ازهار غنتوت في الخالدية
ف بوظبي عندج دولا وعروس الخليج
أو الماكييرة اليازية المزروعي فنانة الصراحه
وحق الحنا عندج صالون الاخوات في الشهامة
ف دبي
واااايد صالونات مثل تفانين والاصابع السحرية ومورا وعمرو وغيره
وماكييرات مثل أم مهرة روووعه ميكبها
وحق الحنا عندج صالون رشنا وفلورا وهيفا
لو كنتي في بوظبي اختاري الصوالين والباقه من بوظبي . ولو كنتي من دبي
اختاري كل شي من دبي . لأن بيفرق معاج الوقت ساعه ونص فالدرب .
ومجوهرات سالم الشعيبي عندهم أطقم ذهب وألماس روعه بس ما أعرف اذا
يأجرون ومحلهم في بوظبي .وبالنسبة لصالون المكياج والشعر عندج صالون دولا
وصالون بيت الجمال وفي عندج حريم يمكيجن مثل حنان بو غانم وسامية .
وبالنسبه لصالون الحناء عندج صالون أماني وصالون النقوش الجميله وصالون لافام
وصالون الأخوات وووو . وبالنسبه لأول ليله لازم تكونين متعدله ومتلبسه صار شئ والا ما صار .
والشنط وديهن قبل العرس ب4 أو 5 أيام . وبالنسبه لمحلات الورد وباقات العرايس عندج محل أماني
ومحل جلوريس ومحل السفير للزهور .طبعا كل هالمحلات والصوالين في بوظبي
وان شاء الله بنات دبي يبفيدونج أكثر عني .
والله يتمم لج على خير ويسعدج
ومثل ما قالت الاخت لازم تعرفين وين العرس بوظبي ولادبي
وبعدين ترتبين امورج
والله يتمم لج على خير
اذا من بوظبي عندج دولا
و اذا من دبي عندج مورا
و المسكة عندج وايد محلات
الله يوفقج