ممكن تساعدونها =( البنت تعقدت نفسيا ~

السلام عليكم ورحمه الله وبركاته ..~

اول شي السموحه اذا العنوان مب مناسب ..

بس ماعرفت شو احط ..

…

اممم

ماعرف كيف ابدا و الله يساعدني ان شالله ..

بس بنت عمتي عمرها 19 و هي طالبه فالكليه ..

الكورس الي طاف كان وزنها تقريبا 75 ..

و لكن بنهايه الكورس صار وزنها 90 و هي طولها تقريبا 157

فالكليه ربيعاتها دوم ينغزونها بانها دبه و متينه و دوم يقولون لها مستحيل تضعفين

و تعبت من ربيعاتها .. من كثر كلامهم و تنغيزاتهن .. صارت تاكل اكثر و اكثر

كله من همها و تعبها بالتفكير كيف تضعف بسرعه

هي مشكلتها انها بنت حساسه زياده عن اللزوم و اي كلام من ربيعاتها ياذيها

و كذا مره اشترت لها ثياب و بجايم و مايازوا عليها و كله تصيح تقول تعبت من حياتي جي بهالمتن

من اسبوعين قالت انها تبي تضعف و صج مصممه

و اقنعنا عمتي و ريلها يشترون لها اله مشي

ماعرفت شو اسوي لها اكثر من جي ..

الحين من اربع ايام مستمره على الاله و نقصت كيلو ..

و اليوم كنت وياها فبيتهم

شربتها شاي اخضر بدون شكر و رجعته ماقدرت تكمله

و خليتها تمشي على الاله نص ساعه

و يوم كانت تمشي كانت تصيح تقول ابا اضعف بسرعه قبل الكليه شو اسوي ؟

////

قلبي عورني عليها وايد ='(

انا ماعندي خبره بالريجيم و هالسوالف

يوم اتذكرها كيف تصيح يعورني قلبي

مجرد اتخيل مكاني فمكانها احس بشعورها كيف ..

اتمنى اي وحده منكم تساعدها

تبي تنقص بسرعه و نتيجه مضمونه

اي شي ممكن يحرق الدهون بسرعه او ينقصها وزن كبير بدون ما تهمل صحتها

البنت صايره عيونها حمر من كثر البجي و تعبانه وايد كل ما ييبون لها اكل تقول ها يمتن مابيه ..

يزاكن الله الف خير

مشكورات يا عضوات و حتى لو مارديتوا ^^ الف شكر لكن على مروركن الحلو ..

فديييتج انزين خليها تدخل صاله بسرعه بينزل وزتها … ايروبك يمرنونها واايد اوكي اذا من العين خليها تسير اكسير واايد اوكي

انا اختي خلتلها مدربة خاااااااااصة وصدق صدق ظعففففففففففففففففت

والحين ودرته ومتنت شوي فردت تشترك

سمعي بقولج نصيحة

انا وابوي شفنا برنامج كامل

لاتخلين حد يقص عليج

الحبوب مااااااااااتضعف

شغلها نفسسسييييييييييييييييييي

واذا لها مفعول فبسييييييط عقب ماتاثر

لاتخلي حد يقص عليها

وخل تمشي حوالين الحديقة مع ربعها

والشي الي صدق يضعف السبااااااااااااحة

وتشد

موحلو تضعف ويترهل جسمها والسباحة اوككي

وحتى نط الحبل

وخل تشترك فقروب عشان تضعف بالمنتدى او مع ربعها

مب لازم تسوي رجيم ><

بس تقلل اكلها

الله يعينهـــــــــــــــــــــــــــــــــــــــــــــ ـــا يارب

ان شاء الله تضعف

ومثل ماقالوا لو تشترك في المركز وجيه في آيروبك وهالسوالف

غير هذا بتحصل بنات تتعرف عليهن نفس حالتها وجيه بيتتشجع اكثر

الله يعينها حتى انا نفسها والله

هيه ها افضل حل بس عمتي ماترضى لان اجرب صاله للبنات حذالها صاله شباب

و مايبون بنتهم تسير هناك لان بتبدا الاشاعات تطلع خاصه فريجهم فريج الاشاعات

و بعد ماعندها اصلا حد يوصلها ..

نحن من راس الخيمه =(

مشكوره عزيزتي يزاج الله خير و شاكره لج ردج و مساندتج

ان شااءالله بتضعف مااعلييـه خل تكون نظرتهآآ ايجابيه وتكون مرتــآآحه بتضعف ان شاءالله

اصلا مب زين تخسـر وزن وايد ف وقت قصيــر جي بيتعب جسمهـآآ وآآيد .,,~

4 شهور خليهـآ ع الدآيت والرياضه وطبعا يوم واحد فالاسبـوع بريك وتاكل اللي بخآطرهـآ بس ليش تصيح والله مايسوى ؟؟ ان شاءالله فتره وبتضعف و بتغدي بنوته وحلووهـ ..~

وانتي فديتج ماتقصرين ويـآهـآ ., بس ها خليها تسجل ف جيم احسن عشان تتشجع وتحصل آلآآت اكثر هنـآك

وتكمل بالدآيت والله يووفقها ياارب وان شاءالله مااتضاايج ..