مليت من الاهل ساعدووني !

هلا فديتكم شحالكم ..عساكم بصحة وسلامة..
وربي خواتي انا وااايد متضااايقة وحبيت اقولكم موضوع وان شاء الله تفهمووني ..لاني صدق مليت من العيشة اللي انا فيها والله ..
ع العموم على طول بدخل في الموضوع..

خواااتي انا عمري 19 سنة..ومتضايقة من الاهل وااايد والله ومستحيل يمر يووم وانا ما اصيح ..الصراحة الوالد ما يصرف علي يعني يمكن في شهرين 3 يصرف علي 150 وبس لا اكثر وانا بنت عووودة وعندي خصوصياااتي ..والله البارحة قدمت على الليسن وكان تقديم الليسن 4210 ووالله عطاني محاضرة وصرخ علي يدام الاهل كلهم لحد ما عطاني 1250 وقالي انتي روحج دبري الباقي..رحت اسوي فحص نظر فقالوا ان نظري ضعيف ولازم نظاارة ..فقلت لراعي المحل اوك خلاص انا اريد النظاارة وفصلت بـ350 وقلتله بعد يومين بي اخذه قالي اووك واليوم قلت حق ابوي جان يصرخ على وقالي ما بعطيج الفلوس عشان النظارة وماله داعي تلبسينه..والله يا خواااتي انا واايد متضايقة عن هالساالفة ..وحتى يوم اقول حق اخوي العوود ابا مثلا 100 يقولي لحظة ويروح يخبر مرت هل اعظي بيزات لاختي والا لا وهيه طبعا دوووم تقوول لااا ..وبعدين اخوي ايي عندي ويقولي سووري ما عندي ..والمشكلة الكبرى اني اروح الكلية واكمل دراستي ..والله يا خواتي ما بتصدقون تعرفون ابوي كم يعطيني مصروف حق الكلية 10 درااااهم فقط لا غير والله انا استحي حتى اسير مع ربعي وففي بوكي بس 10..والله يوم يقولولي تعالي والله استحي اقولهم سوري بس انااا ما اريد اخذ شي..واللي تدرس في الكلية تعرف كيف غااالي اكلااتهم..
فيا خواااتي عطووني حل شووو اسوي بحيااااتي والله مليت ما عندي عباه مثل البناات والله..
سااعدوووني ..ويزاكم الله خير..
ومعلومة صغيرة الصراحة انا نكي غير في المنتدى بس حبيت اسجل مرة ثانية عشان محد يعرفني وحد يسالني شو كان نكي منعا للاحراج..وخواااتي وربي ما كذبت عليكم وربي شاهد على كلمة قلتلكم اياه..
مع السلامة