تحية طيبة … أما بعد
خواتي .. أنا متزوجه من واحد خليجي يعني مب مواطن و هو ما يشتغل
ما حصل شغل .. وأخواني إلي في الشؤون الإجتماعية ما يقصرون ..
وكل ما قلت له سير اشتغل يقول المواطنين يوم بيلاقون شغل انا بشتغل
والله يا خواتي حالتي حاله وعندي ولد و عايشة في بيت أبوي في غرفة
واحده .. يعني أنا عاله على أهلي أنا وزوجي وولدي ..
وبصرااحة زوجي عنده معارف يعني مب هين وأنا أخاف منه ..
يعني صار له كم يوم في أبوظبي أخاف يعني ياخذ شرهات أو مكرمات
من الشيوخ وما يقول لي عليها و هو دووم في ابوظبي مدري ليش ..
خواتي حبيت أسألكن عن المكرمات و الشرهات الي من الشيوخ
الله يطول بعمارهم .. يعني يعطونه زوجي ولا لازم حضوري أنا
وسامحوني على الإطالة … وأشكركن
بس اعتقد اذا قدم على اي شي مهما كان باسمج لازم حضورج الشخصي
واذا كان عاقد صداقات وعلاقات مع الشيوخ ترى شيوخنا خيرهم سباق ومايقصرون في حد
من قريب ومن بعيد والله تعالى اعلم والله يصلح احوالكم ويسر لكم اموركم
ويسخركم لعبادته