انا مقهوره وضغطي مرتفع اوكي
قلت بدخل المنتدى وبفضفض
انا معرسه من سنتين والحينه عمري عشرين
المشكله انه خوات ريلي اصغر وحده فيهن عمرها 26
من يتيمعن ع طول ما عندهن شغله غير يتامرن علي وكلهن عندهن خدمات وعندهن بنات
بس ما عندهن شغله غير روحي يبي وروحي ودي وعطيني وحطي وشلي يعني يطلبن مني اكثر من البشكاره
والله انا اليوم راده من المستشفى المغرب واول ما بدلت عباتي جان اتقولي اخته ليش ما مسويه لنا سويت واتعرفين اليوم اجازه وكلنا بنتيمع وهي اونها منتفخه مب عايبنها شي
والثانيه شلي بنتي وشوفي هذا وسوي هذا وايبي هذاك بالمختصر يطلبن مني اكثر من البشاكير
واونهن من باب الاتيكيت اونه بثواب امج ولا ابوج
القهر اني كل شي اسويلهن والله انظف من وراهن يتعايزن يشوفن ولدي لو بسويلهن شي
ولو قلت شي قالوا انتي اصغر منا
قسم بالله اني اكره ايلس معاهن وما ابى اقولهن شي عسب ما يتضايقن
واللي يقهرني اكثر دوم يتيلسن بروحهن بالغرفه وينخشن عقب يقولون لي انتي ليش ما تيلسين معانا
ودوم اذا وحده منهن ريلها يه ع طول حرمة اخوي ممكن اتساعديني اشوي عسب اسوي عشى حق ريلي وطبعن من ندخل المطبخ الا ظهرن وخلني بروحي
وانا ما احب اخبر ريلي اي شي يصير من بينا عسب ما يتحسس ولا يتضايق وبصراحه كم مره قلته انه صار الشي الفلاني عاد هو ع طول يروح لهن من وراي ويرمسهن
سوري ادري الموضوع متلخبط بس من الغصه لانه توه ولدي طاااح واتعور وانا كنت مو منتبه لاني انظف مكان عشى بنات اخت ريلي ويوم يت اشل العشى الا اسمع صياح ولدي عسب جي كتبت
قسم بالله طفرت وابى حل
سوري والله
انتي مب شغاله حقهن
قولها كاااش
قصوري بعد اشتغل عنهن
وين عايشات هذيلا
المفرووض توقفيهن عند حدهن
اختي خذيها قاعده في حياتج الطيبه والاحترام تكون بحدود والطيب هالزمان حقه مهظوم
لازم توقفينهن عند حدهن
اول مايطلبن منج شي قولي لهن اخاف شي ايه ولديه يوم اروح , وزقري خداماتن وانتي يالسه وبيفهمن انج ماتبين تروحين
واذا ماستحن وردن يتامرن عليج قولي لهن مااقدر عندي ولد بجابله ومافيه كل شوي انش , حتى لو ولدج مب عندج قولي لهن اظني شي خدامه فالبيت
واذا بتسوين سويت كل مايتيمعن هذا من باب الاحترام انج حرمه اخوهن وراعيه البيت بس مب كل مره , يعني يوم ييتي من المستشفى جان قلتي توني ياايه ووين اسوي سويت والسويت حسب المزاج
والله يهديهن ياارب
انا بعطيج الحل بدون ما تزعلينهن كل ما طلبوا شي اتحججي بعيالج ولا تنفذين طلباتهن او انتي اطلبي من الخدامه عسب ينحرجون قولي ولدي ابا اغير ثيابه خلي الخدامه الفلانيه اتسوي عشان يعرفون ان في خدامه تقوم بهالشي
وغير جيه حاولي يوم يتيمعون تتجنبين يلساتهم عسب يحسون على دمهم شوي قولي راسي يعورني او ظهري اي شي وارقدي لا تظهرين من الحجره لين يحسون انج انسانه وفاهمه
وان لو حبيبك عسل لا تلحسه كله
