مقهورة مثلي من موضوع البناء تعالي واسيني

السلام عليكم و رحمة الله و بركاته

شحالكن بنات و شخبار رياييلكم مع البناء

و طمع المقاولين الله يستر بس و الله و يعديها على خير

بنات أنا حابة أسألكم كل وحدة تقول بكم تم الإتفاق لبناء بيت العمر بالمتر

=======

بقولكم قصتي نحن مضينا العقد يوم كان سعر المتر وصل ل 4800 و بصراحة

ريلي شك بالمقاول اللي كان وايد مستعجل على إمضاء العقد لأنه كان عارف أنه

المواد راح ينزل سعرها و بالتالي تقل تكلفة البناء

أحنا كلفنا بناء البيت فوق 3 مليون درهم و بصراحة قهر و الله لنه المواصفات

اللي مسجلنها المهندس للبيت مب هذاك الزود يعني لا رخام و لا شي

كله غش فغش و الحينه أي إضافة راح تكون من جيبنا طبعا و الله قهر

بغيت اعرف كل وحدة منكن على كم بنيتو بيوتكم للمتر طبعا عشان أشوف الفرق

هلا اختي انا بعد مقهورة وايد من البنيان نحن بنينا فيلا دور ارضي وقت الغلا كم كان سعر المتر ما اذكر بالظبط المهم كان القرض مليون وميتين ونحن طلعت التكلفه الاجماليه للفيلا مليون وستميه وبعدين رفعوا قيمة القرض لمليونين قلنا حلو بنسويلنا ملحق اضافي ولا بناسس الفيلا على اساس دورين بس تفاجانا بالمقاول يرفع السعر بعد فالزياده ما استفادنا منها ابد راحت كلها له وطلع قيمة الفيلا الاجماليه مليونين ومية الف وهي بس دور ارضي تخيلي ؟؟؟؟

بس لو شفتو مقاول ىخر يسويلكم الملحق صراحة

الله يعين من هالمقولين طمع و جشع ماله نهاية

====

وينكم يا بنات لا تقولو لي طلع المبلغ رخيص ما بصدقكن و الله

هههههههه الله يعين بس عيل انا شقول انا بيتي دور واحد مع ملاحق….. الفيلا عدد الغرف 4 مع صالة مع مطبخ تحضيري صغنون و اوفيس صغنون هههههه حشى بيت الاقزام…… و الملاحق مطبخ مع ستور والخدامة مع حمامها و غرفة الطعام مع الميلس والله انه البيت مساحته صغيرة و ما فيها حركات كله ممر واحد بين الغرف و عادية جدا كانه ممر المستشفيات هههههه و الصالة مستطيلة يعني عادية جدا و فوق هذا المواصفات اي كلام شي يعور القلب تعرفين كم كلفنا مليووووون و نص هئ هئ هئ هئ هئ هئ و اي واحد يشوف البيت يقول ما بعطيه اكثر من 700000 والله قهر ما يصدقون انه بانينه بهالمبلغ يالله الحمد لله على كل حال … علما بانه قرض الاسكان كان 500000 و الباقي عن طريق البنك

انا مب مقهوورة ولا شي

انا ميته من الغصة و القهر و الله

نحن تعاقدنا مع شركة هي الل اتدور المقاولين

و طبعا – بما اني انا و ريلي ما عندنا خبرة في البنا

و اخواني و اخوانه ماخذين بيوت جاهزة – يعني نحن اللي جازفنا

اتصدقين – نحن قاعدبن نزيد على كل شي

لأن المواصفات اللي حاطينها – استغفر الله – ما اعرف شو اقولج

و طبعا يوم وقعنا و خلصنا – ألحين عرفنا شو السالفة

يعني في التشطيبات

بقولج المواصفات ::

و الله اني ميته من القهر :::

قاعده ازيد على كلللللللللللل شي – كل شي

أبواب الغرف : 800 درهم شاملة الاقفال و الاكسسوارات .. صدددمة و اقل باب و احسن باب تكلفته لا تقل عن 1200 درهم .. صدقوووووووني

سيراميك الغرف و الحمامات عزج الله و المطبخ : المتر ب 20 رهم – شامل الديكورات ف الحمام
صدددددددددددددمة – في سيراميك المتر اقل من 20 بس صييييييني

الاطقم الصحية و المغاسل 12019 – طبعا في البيت 8 حمامات عزج الله و مكانين للمغاسل

اسكت و لا أكمل

صدق قههههههههههههر

الله يسهل علينا و عليكم
والارزاق بايد الله

ريغتوووووووووووووووني

نحن بعدنا تونا نقول بسم الله …يعني تونا مخلصين المخطط ومتفقين ويا المقاول بس يتريانا ندفع له دفعه قبل الاسكان وبيبدى ..

خبروني شو الاشيااء اللي لازم اركز عليها من ناحيه الاسعار…حمامات وسيراميك ..
خبروني عن اسعار الحينه ..بما انكم فالتشطيبات يعني تعرفون اسعار السوق

الله يستر