صباحكم ومساكم تباشير من ربي الخالق الباري
ييتكم بدرس ميك آب يديد للي
شافوا شغلي قبل كنت عارضه درسين
بس للاسف كلهن بح راحوا مع فورمات جهازي
ومع انتهاء وقت تحميلهم
فهذا عباره عن الدرس الثالث وان شاء الله
يعيبكم
..
اللوك خاص بالاعراس سويته لنفسي في كذا
عرس وكنت لابسه فستان اوف وايت وفيه ذهبي
فدار راسي وانا افكر شو احط شو احط ابي الوان
دافيه ومو الكل يحطها.gif "12 (29)")
..
لين حصلت هالخلطه اللونيه الفزيييعه.gif "13 (51)")
اللوك في الحقيقه ناااعم وهذا اللي يميز
مكياجي على كثره الا انه ناعم في الصج
بس في الدرس بتلاحظون انه دااارك وثجيل
لاني مطبقته على ورق رسم مو على يلد.gif "13 (26)")
واليلد اسهل للدمج لنعومته والالوان تتوزع بسهوله..
يله بنيات وحريمات زهبوا العده وبققوا عيونكم
الدرس بيبتدي بعد شوي كل خطوه بحط الاغراض
اللي بنستخدمها ون طوو ثريييي
أول خطيوه
بنحتاج لأساس وفونديشن بالنسبه لي
ما أستخدم السايل بس حطيته لكم لان الاساس
المائي مابتعرفون ماركته لان ماينباع الا في صالون
عندنا في البحرين وحتى أهل قطر يتعنون له بس
عشان ياخذون منه وتغطيته خيال..
المهم نحط الاساس ونوزعه عدل مدل عشان
مانبي ويهنا يصير مليون لون فاهمين ياحلوات
وبعدين نحط الفاونديشن على العين بس
في ناس تستخدم كونسيلر وبلاوي سوده انا عن
نفسي ما احتاج ويعتمد على نوعية البشره
فكل وحده تستخدم التغطيه اللي تعيبها ^^..
الخطيوه الثانيه..
بعد ماخلصنا من الاساس ناخذ المثبت اللي
من ميك آب فور ايفر+ الأكوا كلر البرونز من كيريولاين
نرش شويه من المثبت في الشدو ونمشي اللون
على كاااااااااامل الجفن
الخطيوه الثالثه..
ناخذ شدو النايلون+ شدو وردي محمر
من ماك ونحط اول شي النايلون تحت الحاجب
وفي مقدمه العين.. بعدين على شكل قوس
من الطرف الاخير للعين لين المنطقه الوسطيه
بين الجفن المتحرك والجفن الثابت نحط اللون
الوردي وبتلاحظون ان لونه تغير لان الاساس اللي
تحته برونز مو لون البشره العادي.. بعدين
ناخذ فراشه دمج او بصبعكم بحيث انموه
اللون الوردي بالطريقه اللي تناسب تشكيله عينكم
اللون افتح من جذي بس الورق بهدلني
يتبع لحد يرد~
ناخذ شدو بني دارك من اي ماركه انا عندي
مال رد ايرث روووعه بني دارك فيه لمعه بس مدري وينه
فاستخدمت البني مال شسيدو وملاحظه لااااااااازم
يكون البني وااايد داااارك مانبي فاتح فاهمين.gif "12 (96)")
نحطه بس على الطرف ونمده لي نص الجفن
ونموه عند نص الجفن اما في طرف العين نخليه
غامق.. وبعدين ناخذ اللون البرونزي القبلي ونحطه
في مقدمه العين من تحت لين النص والنص الباقي
نحط من اللون البني ونحاول ان مانبين ان اللونين
مفصولين حاولوا تخلونهم كانهم متداخلين..
بعدين نحط كحل اسود داخل العين وونمرره بخفه
على اللون البني عشان نترك لمسه دخانيه
ونرسم فوق العين بالايلاينر الاسود طبعا..
ونستخدم مسكرتين وحده للتكثيف والثانيه للتطويل..
وبعدين نحط البلشر انا حطيت وردي وبني فاتح
وتقدرون تستخدمون بلاشر خوخي
بالنسبه لطريقه الوضع مرروا البلاشر الوردي
على تفاحه الخد ومدوه شوي على حسب تشكيله
ويهكم والبلشر البني بس عند منطقه الخد القريبه
من الاذن لان نبي هالمنطقه تكون اغمق
وكل ماقربنا لمنطقه الخد اللي بقرب الخشم نخفف
اللون مانبي نستوي جياكر.gif "12 (13)")
وحركه بسيطه للخشم على جانبينه مرري
فرشاه البلاشر اذا كانت ضعيفه او بطرف صبعج
علا الجانبيه وموهي الخط لا تخلينه واضح عشان
نصغر الخشم فهمتوا علي.. واللي خشمها وايد عود
هالطريقه ماتنفع ..
وحطوا لمسه من لمعة ميك آب فور أيفر البرونزيه
بالطبطبه على الشدو مالكم وعلى اعلى الخدين
لا تحطون واايد وتعفسون الدنيا هاللمعه رهييييبه
اقل لمسه تكفي ويهج كااامل
الخطيوه الاخيره..
الروووووووووووووج
انا عن نفسي ماحب استخدم نوع واحد
لازم ادمج كذا لوون استخدمت لون وردي بطيخي
ولون آورنج وقلوس وردي فاتح + محدد وردي غامق..
اول شي نحط المحدد بعدين نعبي الشفايف
بالحمرتين ونحاول ندمجهم مع المحدد بالفرشاه
لان مانبي نبين التحديد كانه مصطنع حلاته مدموج
واخر شي القلوز
وعقب كل هالخربطان رشوا المثبت من بعيد على ويهكم
ولا تتحركون لين ينشف مابياخذ له ثواني
وهيييييييك نكون خلصنااااااااا وهذي بنيتنا بعد
ماكشخنااااااااهاااااااا .gif "13 (33)")
ولبسناها البرقع والوقايه.gif "13 (21)")
لحظهلحظه لحظه
بعدنا ماخلصنا موضوعنا
وين فلوسي.gif "12 (9)")
واااااااااااااااككك فري فري بلاه قلبكم يدقدق.gif "12 (72)")
يقولكم الله يطول بعمركم
يــاما تحـــت البراقع شووووووووووووووووووووووو
،
،
،
فواااااااااااااااااااااااااااااااجع
هاللوك ثقيل للبعض وخفيف للبعض الثاني
يمكن يعيب ناس ومايعيب ناس .. والناس اذواق
اشوفكم في درس ثاني اذا الله قدرني
اشوه البنت وماتكون رسمه لذوات الارواح
والمبرقعات على راسي من فوق اخر صوره بس عبط^_*
واللي بينقل الموضوع يذكر المصدر واسمي
تعبت عليه من العصر وانا اشتغل عليه لين لحظه طرحه
واللي بينقله من غير ذمه حسبي الله عليه حسابٍ يكفيه ويوفيه
وبدعي عليه ليل نهار يعل يده تتكسر وتتفتت عظام يده نتفه نتفه
ويعل جهازه بكبره يحترق ودعاوي غيرها في الطريج
وتسلم إيدج
الصراحة وايد حلو المكياج ورسمج أحلى