وشحالكم ياعرب ؟؟؟
المهم نوصل للدرس المهم …
سلمكم الله من اسبوعين كنت متملله
فقلت حق اليهال بسويلكم عشا ..
وكل واحد طلب شي …
سرت المطبخ وألفت شوي …
وهذا كان عشانا بالصور …
كنت مسويه بطاط ودجيز …
وجبس ونقانق وهمبرغر
وعجة البطاطس والخضار
وتونه مقليه ..
عاد الله لايراويكم شو استوى فيني يوم ييت اسوي الجبس نطش الزيت في عيني …
خخخخخخخخخخخخخ
المهم الحينه بعلمكم طريقة عجة البطاطس والخضار …
المقادير …
* 10 بيضات …
* 1 بطاطس مسلوقه ( مكعبات )
* 1 كوب فاصوليا
* 1 ملعقه كبيره بصل أخضر ( قطع صغيره )
* 1/2 كوب بقدونس مفروم …
* 1/4 كوب موزاريلا …
* ملح وفلفل ….
* زيتون اسود ( انا ماحطيته لأني مااحبه .)
بسم الله نبدأ بالطريقه …
1) يسخن الفرن على درجة حرارة 180…
2) يخفق البيض والحليب في وعاء عميق ..
3) تضاف باقي المكونات مع التقليب …
يوضع الخليط في بايركس ويوضع في الفرن …
وكل ربع ساعه جيكي عليه بأنج تمررين سجينه واذا شفتيها انها طلعت نظيفه يعني لبيض استوى …
وعقبها قدمي الأكله وبالهنا والعافيه …
ويالله جداااااااااامي مااوصيكم بالتقييم مب ينطش الزيت في عيني وآخر شي مااحصل تقييم
في حفظ الرحمن …
..امممممممم..
..^^..
..ياحيهم الصغاريه..
..وتسلم ايدج..
/
المشاركة الأصلية كتبت بواسطة غـلا روحـي 
..امممممممم..
..^^..
..ياحيهم الصغاريه..
..وتسلم ايدج..
/
مرحبابج اختي …
تسلميلي على مرورج الحلو وماتقصرين…
وربي يسلمج
اختج::عجيد الريم…
ولو ان اكلج لو اكله بيأنبني ضميري لوووووووووووووول
بالعافيه ^^
المشاركة الأصلية كتبت بواسطة لاليك ولو ان اكلج لو اكله بيأنبني ضميري لوووووووووووووول
هلا لاليك…
الله يخليهم حق امهاتهم ويخلي امهاتهم حقهم …
لاتحسسوني بأني ام بعدني مب معرسه خخخخخخخخخخخخخخ
كان ولد اختي فديته قايلي اسويله الودجز وكان يباه حار بس ماتفيجت احط فيه فلفل احمر خفت امه تنازعني
تسلميلي حبيبتي على مرورج الحلو وماتقصرين
اختج::
عجيد الريم