السلام عليكم ورحمه الله وبركاته
شحالكم خواتي عساكم بخير
بغيت اسال خبيرات الطبخ عن شي
انا من النوع اللي وايد احب المعكرونات والسباغيتي
كم مره جربت اسوي بس ما تضبط عندي
انا لما اسويها تطلع اوكي واحطها فالصحن .. عند الفطور يوم اي اشوفها يابسه ولاصقه مستويه قطعه وحده ماعرف ليش ومايكون فيها طعم مع اني احط وايد بهارات
انا اسويها بالباشميل ( مال ماجي ) و الاجبان
شو السبب انها تيبس .. يعين لازم ناكلها على طول اذا خليناها حتى لو فتره قصيره تخترب ..
مع ان في ناس يسوونها ماشاء الله اتم فتره طويله ماتخترب
فيدوني اذا عندكم الحل .؟؟؟؟
اااااااااااااااااااب
وضحي طريقتج اختي عشان نساعدج اقول يمكن لازم اتضيفين زيد عند سلق المعكرونه
شوفي انا قبل كنت اعاني من هالمشكلة لان المعكرونة تشرب الصوص وتلتصق فقمت اسوي الصوص وقبل الفطور بنص ساعة اسلق المعكرونة وعقب اخلطة مع الصوص وعلى الفطور تكون المعكرونة مب يابسة وحتى اني ازيد من الصوص
تعرفين ليش تلزق ؟؟ لما تشخليها وهي في المشخلة صبي فوقها ماي بحرارة الغرفة ( ماي عادي ) .. وبرودة هالماي راح توقف عملية الطبخ وامتصاص المكرونة للرطوبة و السوايل إللي عليه .. شفت هالشي في برامج الطبخ مال الأجانب ومن يومها مكرونتي لينه وتلمع وطرية ^^
وانتي تسلقين المعكرونه حطي ملعقه زييت مابتلصق المعكرونه
وانتي تثورينها صبي فيها زيت عشان ما اتم تلزق