شحالكم خوياتي ؟؟
أسمع اليوم ربيعاتي يقولون في معرض أزياء فـ الملا بلازا ..
بصراحة حد مدحه و حد ذمه 
و أنا قاعدة أتشاور ودي أخطف عليه بما أني باجر رايحة دبي ..
بس المشكلة أنا عمري مارحت معارض الملا بلازا
فـ ما عرف عن أغراضهم و الكواليتي خير شر
فديتكم اللي راحت ممكن نبذة عن شو عندهم ؟؟ شو أسعارهم؟؟
هو أصلا للحين فاتح ولا؟؟
بنات الله يخليكم الله يخليكم الله يخليكم .. أبغي أشاوركم بما أني
عمري مارحت معارض الملا بلازا ،،
كـ عروس تنصحوني أروح ولا؟
أنا باجر بروح دبي و أبى أمر المعرض لو فاتح بس أخافه مب حلو
بلييييييييز سيدات الامارت محتاجة نصايحكم والله
صرااحه مب ذااك الزووود
شي اكسسوارات وشباصات وميك اب وعطور وشووزات وبجايم بس عاديات مش لعروووس
يمكن اتحصلين دريسات استرج حلوه وناعمه بس الكواليتي مش وااااااااو
وباقي السوالف عاديه
وكل وحده وذووقها ^__^
ربيعتي ساارت واشترت جلابيات
أكثر شي الحين فيه المحلات اللي تبيع فساتين استرتش اتحسين القصات متشابهه في كل المحلات ،،، محلات الاكسسوارات حلوه ،،، النعل عااادي مو ذاك الزود المحلات اللي في المركز احلى
اسمه ..( جوفي البطاقه عندي مكتوب التأميم و الريال كاتب لي ورا البطاقه هلا كويت )>> مو دعايه بس اخبرها عن اسم المحل .. جلاليبهم حلوه و تنفع للمناسبات بس مو اعراس .. يعني ليله حنا او عيد او عزيمه عوده ..
و غير جيه المعرض مثل ما قالوا البنات فيه الزين و فيه الشين و انتي و ذوقج ..