السلام عليكم ورحمه الله
خواتي كان معاش خدامتي 800
وسافرت بعد انتهاء العقد
الحين رجعت لي بفيزا يديده
المشكله المعاش في العقد 1500 درهم والكل يعرف
و مكتب في العين اسمه العربيه قال اليديده 1100
و المشتغله 1200
والله محتاره كم اعطيها و اكون ماظلمتها والله الشاهد انه شغلها زين
عطوني رايكم
كل المكاتب الي في بلادهم يحطون معاش اكثر من العقد الي موجود في المكاتب هنأ ولج الحريه بس اتوقع انها هي تعرف بالعقد الي عندناا فالمكاتب فسأليها او قوليلهاا او خلي المكتب يخبرها انه معاشها 1200
مدامها زينه خلاص برايه عطيها لانها بعد بتعرف انه كل البشكارات الفلبينات معاشاتهن اكثر عنها وما بتم معاج او مابتي
خلي العقد على جنب وتوصلي لاتفاق بينج وبينها يعني شي يرضيج ويرضيها وخليها اهي تقرر على شأن ما تكوني ظلمتها
الي اعرفه معاشاتهن الف
موفقه
لا المكتب ولا سفارتهم تجبرج انج تعطينها 1500 انتي اتفقي معاها على زيادة 100 او 200 واذا رضت اهلا وسهلا
نحن دوم اذا طلبنا بشكارة نتصل فيها وهي ببلادها ونتفق معاها على المعاش واذا رضت نسوي لها الفيزا
نحن دوم اذا طلبنا بشكارة نتصل فيها وهي ببلادها ونتفق معاها على المعاش واذا رضت نسوي لها الفيزا