السلام عليكم ورحمة الله وبركاته
عاد انا من فترة شريت 4 لوحات .. 3 وسط و وحده صغيرة
كنت شارتهم عشان ارسم فيها لوحات لغرفة عيالي …
والصغيرة شارتها كتجربة اضحي فيها
شاءت الاقدار وحصلت لوحات مرسومة جاهزة للاطفال باكيا ..
فاحترت شو اسوي باللوحات ..
فقلت نبدأ باللوحة الضحية ههههههه
عصرت مخي وبعد تشاورات مع صديقتي طلعت بنتيجة اني اسوي لوحة بالديكوباج
طولت بالكلام نبدأ بالشغل
الأدوات :
مثل ما انتوا شايفين .. اللوحة البيضاء ومناديل كلينيكس مرسوم عليها فنجان … وصمغ ابيض .. فرشاة … مقص وورنيش …
بتلاحظون موجودة ألوان .. كنت ناوية استخدمها بس ما استخدمتها .. والالوان هي أكريليك ..
نبدأ بالخطوات :
أول شي يبت الكلينيكس وشفت الطريقة المناسبة له وقصيته على اساس اللوحة
بعدها حطيت الصمغ الابيض طبعا لا تسون مثلي ما خففته بالماي قاعدة اجربة بدون ماي … والخطأ انه ما صار سائل والكلينيكس بيحصل صعوبة انه يلصق ..
وكمية الماي تكون قليلة يعني فنجان صمغ معاه نص فنجان ماي وتذوبنهم ببعض
طبعا لازم تنزعون الطبقات من الكلينيكس وتخلون الطبقة المرسومة فقط
وبعد ما تلصقونه لا تنسون تدهنونه من فوق بعد عشان يثبت عدل ..
وبعد ما يجف ادهنوه بطبقت ورنيش عشان يحفظة من الرطوبة والعفن
وهنا الشكل النهائي بعد ما علقته بباب المطبخ ..
وهنا الصورة الأجمالية
شو رايكم فيها بصراحة
ليش ما استعملتي الغرا الخاصه بالديكوباج وايد اريح من الخلط ولو رسمتي عالكانفاس بلون يناسب النابكن ما ببيبين الفراغ الابيض والسموحه
