مساء الخير خواتـــــــــــي العزيزات …
متزوجات وعازبــــــــــات …
في بنااااات ينتظرن فارس الاحلام …على حصان ابيض …ووسيــم …ومريش << عنده فلوس يغرقها بفلوسهـ …
طبعا بتقولون لي هب كل البنات ..بس في بنااات لين اللحين جي تفكيرهن …العرس بالنسبه لهن …زوج ..وبيت ..وفلوس …وهدايا …وماركااات …عشان باجر تحط صورهن في البلاك بيري وتكتب ….فديتك يا بو فلاااان …ومن هل العبارات …او اقل شي تسويهـ اطرش بروتكاست تشكر فيه زوجها …جدام الناس ..وجدام ربيعاتها ….والي عنده بلاك بيري يعرف هل الحركات … الي مالها معنى..
والـــــــي حاشره ريلها …انا ابا مااركه ….انا ما البس غير ساعه الفلانيــــــــــــــه ..شو يقولون عني الناااااااس …ابا الشنطه الفلانيه ….ولو نرجع حق تاريخها في بيت ابوهـــــــــا ….لا هي بنت شيوخ ولا هي بنت هوامير ..حتى يمكن بنت التاجر تكون متواضعه اكثر عن هل النوعيه من البنااات ….الي هب شايفات خـــــير …
سوري ما ادري يمكن كبرت الموضوع …
بس جد بناااات ليش في بناات لين اللحين تفكيرهن سطحي …
والمظاهر تغريهن …ويعلقن ع الهدايا الي تيهن انها هب قد مستواهن …
حتى لو خاتم مب اصلي من ريلي يسوي الدنيا وبما فيها ….
مب شرط ماركه ..مب شرط الماااس ….دامنه اختياره وهديه ما بيلس اعلق انا ما البس غير ماركات والمااس …
انا مب معرسه …وواعانــي يوم اشتري هديه لامــي …وان اشتريت شي …صح تشكرني ..بس تقول انا ما البس هل النوع من القطع ..اتضايق …ادري انها فرحانه بالهديه …بس انا اعرف انها ما بتلبسها عشان خاطري …فما بالج بالزوج ….على قد حاله …راتبه يالله يكفيه لين اخر الشهر …وبعد احسسه اني انا ما ارضى بالقليل …
ما بطول عليكم …
انا حبيت بس انصح بعض البنات …
لا تتوقعن الريل او الزوج عنده مصباح علاء الدين عشان يحقق كل الامنيات الي تمنيتيها وانتي في بيت ابوج …راعي حالته الماديهـ …مافيها شي تتواضعين بينج وبينه …وتتواضعين بنفسج جدام الناس …ترى الهديه بمعانيها مب بقيمتها لو كانت بدرهم بعد لها قيمه …
ونصيح للبعض الي لين اللحين مستمر على نشر غسيل حياته الشخصيه في البلاك بيري …
ترى مب كل الناس تقول …مااشاء الله …ومب كل الناس …قلوبها صافيه …
يمكن انتي تتباهين اليوم بريلج وبالي يسويه لج …
ما تدرين كم وحده ورى الشاشه مب متزوجه وتغبطج على الي عندج …
ما تحسدج كثر ما هي تتمنى الساعه الي تعيش فيها الي انتي عايشتنه وتفرح …
والسموحه شي كان في خاطري وطلعته …
والله يهدينا ويهدي الجميع يارب …
والله يرزق كل البناات الزوج الصاالح الي يسعدهن ياارب
يسلموؤؤآ عآلموضوع
تخبر الناس كلها انها في الفندق زين استحي على ويهج عيب
او سوت ليله رومنسيه ومصوره شموع
احس اللي تسوي جيه هذي عندها نقص في حياتها الزوجيه
صدق مصخره
الحمدلله والشكر الله يحفظ عيالي وبيتي من كل شر
الله يرزقج الزوج الدين اللي يعوضج عن كل شي
موفقه فديتج
لان الرسول صلى الله عليه وسلم
قال تنادوا تحابوا
ولو ان شاءالله
ب قطعة حديد
الحمدالله على كل حال يارب
هالكلام حق
الي هب شايفات خـــــير