مشكله ربيعتي واتمني انكم تساعدونها ؟

السلام عليكم ورحمه الله وبركاته

مااعرف من وين ابدي ولا من وين انتهي

بس على العموم انا بقولك ليكم شو سالفه ربيعتي ويه ريلها

السالفه يالغلا انه ربيعتي متزوجه وريلها من اهلها بقول ليكم شو سالفتها من البدايه لين النهايه

السالفه انه ريلها اتزوجها بدون عرس ولا اي شي هذا اول شي والشي الثاني من اول يوم زواج وهم على مشاكل وارف وحالتهم حاله يعني كله مشاكل في مشاكل وهي الحين حامل منه شو السالفه انه ريلها وايد وايد وايد عصبي والشي الثاني انه ريلها مب من النوع اللي يتفاهم يعني يا يضربها يا يقعد يسبها ويهينها وهي خلاص عافته وكرهت وتبا تتطلق منه بس مب عارفين شو تسوي حتي تخيلوا والله انه راتبها ما تجيسه وغير هذا انه من النوع اللي يستغلها وااااااااااااااااااااااااااااااااايد صج انه وايد وايد يستغلها حتي هي كانت محوشه بيزات تقريبا 150 الف من ورث ابوها وغيره من شغلها قبل لا تتزوج قام ويبا ياخذ بيزاتها وغير هذا يا جماعه الخير كل شويه يهددها بانه اول ما تولد انه راح ياخذ البيبي منها مع انه ما يباها ولا يبا البيبي بس يباها علشان فلوسها والله انه قهر غمضتني حتي سيارتها راح باعها وما خله ليها شي ولا هم يحزنون ومانعها من اهلها حتي امها صار لها شهرين ما رسمتها ولا كلمتها ولا حتي شافتها وحتي اهلها كلهم مانعنها كلهم والله اني بموووت من الغصه وابا اسوي ليها شي مب عارفين ومحد من اهلها راضي يدخلوا لانه ريلها من النوع العصبي نفس ما قلت ليكم وابا منكم النصيحه شو اقول ليها وشو اخليها تسوي وهي تبا تطلب الطلاق بليز ابا نصيحتكم لها والله انها بتموت من القهر وانا شراتها ولا عارفه شو اسوي ليها الله يخليكم عطني اي حل وهو مب راضي يطلقها

اتمني انكم تردون عليه ضروري خواتي وربي يوفق كل وحده ويسعد الكل يا رب

حتي والله يا خواتي من البلاوي اللي صرت اشوفها واسمعها صرت اخاف من الزواج وكره شي اسمه زواج وربي يوفق الكل يا رب

الله يصبرهااا ان شالله ..

صدق ان في رياييل عيب ينقال عنهم رياييل ..

حبيبتي .. اللي سمعته مرة ان الحامل ما تتطلق لين ما تربي .. خليها تتطلق منه وتفتك وترد بيت اهلها .. ولا تضيع زيادة من عمرها وياه ..

انا عرفت وحدة مثل حالتها بالضبط .. بنت ولا كل البنات .. وهو ما قدر النعمة .. واخرتها تطلقت عقب ما يابت منه ولدين .. وحتى عقب الطلاق ما افتكت منه الا لما تنازلت له عن حضانة الاولاد .. صح ان قلبها محترق .. بس بعد تقول الله بيجازيني على صبري ولو عيالي فيهم خير بيكبرون وبيردون لي ..

لكن مهما كان اريح من هم ريال مثل هااا .. وانها حامل بالبيبي الاول .. احسن من انها يايبه منه اكثر من ياهل .. تراها بتتعب اكثر ..

صح الواحد ما يبا الطلاق لانه ابغض الحلال .. بس يتم حلال خصوصا في حالة مثل حاله ربيعتج ..

الله يعينها ويفج همها ويريح بالها ..

دام العيب مب منها خل ترفع عليه قضيه يوم يضربها

يمكن يتأدب شوي..مالت ع الرياييل اخر زمن..

الواحد يعنس ولا يعرس فكه من ويوهم..

شوفي ليش تزوجت من دون عرس لانه اول شي ملج عليها ثاني شي صارت مشاكل وراح اشتي بالمحكمه وقال ليهم انا ملجت عليها واباها تروح معاي البيت من دون عرس والقاضي حكم له بانه يروح عادي عرفتي والشي الثاني وقت الخطوبه كان غير والحين غير يعني اتغير عليهااا وايد واخر شي انه هي من النوع اللي تخاف منه وايد وايد وايد وما تقدر تقول له لالا يعني لو قالت له لالا عادي يذبحها واخر شي انه هي يوم حملت ما توقعت انها بتحمل بسرعه لانها توها متزوجه وانصدمت يوم عرفت حست بانها تبا تنزل البيبي بس محد خلاها عرفتي يالغلا

استغفر الله العظيم
بصراحه ربيعتج هي الغلطانه لان واضح ان هالشخص داخل على طمع
يعنى عقب الملجه سار اشتكى وطالب فيها عند المحكمه يعنى مب محشم حد ولا يبا يسوي عرس
اللي مثل هذا بخاف اييب منه عيال باخذ حبوب منع الحمل لين ما اعرف شو مصيري معاه
الحين عقب ما حملت شي رابط بينهم ما تقدر تنفصل بسهوله.. ماعرف صراحه ماشي الا انها تستخدم نقطه الضرب لصالحها وانه يعصب يمكن صدق فيه مرض نفسي وتطلق والله يعوضها ولا انه ياخذ ورثها وفلوسها ولايحترمها.

الله يكون ف عونها .. وربي يصلح لها ريلها .. وربي يسر امورها

مرحبا اختي

استفسار واحد لكن كبير

كيييييف مانعها من اهلها و اخواني و امها ؟ وما منعها عنج ؟؟؟؟؟
وانتى تعرفين تفاصيل حياتهم ؟؟؟

كيف هي تشتغل و هو باع سيارتها و خذ فلوسها ؟

شي غريب