حبايبي قلبي
يوم جديد مع مشاكل جديدة الله يبعده عن كل البيوت يااااااااااااااااااا رب
اتمنى تساعدون الاخت و ادريبكم ما بتقصرون
السلام عليكم ورحمة الله وبركاته
اختي انا عندي مشكله معقده شوي وحابه انج تطرحينها اذا ممكن
انا انسانه الحمدلله ذات جمال واخلاق ودين ومليون واحد يتمناني وانا واثقه من هالشي بس
صارت سالفه خربت نظرة الكل لي وانا والله مظلوومه وما يخصني …. كان ولد عمي متقدم لي
وولد عمي الكل يشهد له بالاخلاق وانسان محترم وما يخصه بسوالف البنات وانا كنت مرتاحه
لهالشي وابوي موافق وتممنا كل شي وما بقى غير تحديد موعد الملجه
ونحن نترياا ردهم عسب نجهز نفسنا …………
في يوم شفت وايد مكالمات في تلفووني ورديت اتصل كان اتصال من ام المعرس .. والله يا بنات
ماتم شي ما قالته وانا انصدمت صدمة عمري .. تقول انا سبيتهم وغلطت على ولدهاا واني
اكرههم وكل ما اسير مكان ارمس عنهم وكلام وااايد واااايد بس ما اقدر اذكر التفاصيل
كلام كبير وجارح وانا ذبحت عمري صيااح لانه كله ظلم …. وحلفتها على المصحف تقول منو اللي
قايل هالرمسه عني بس ما طاعت تقوول
والحين ولد عمي بيعرس من وحده ثانيه بعد ما فضحوني في كل مكان وانتشرت السالفه والكل
مصدق حتى اقرب الناس .. عرسه جريب وطبعا ما بنحضر
والحين انقطعت علاقتنا وياهم وانا للحين مب عارفه منو اللي قايل هالرمسه 
وشو
مصلحته ….. راسي بينفجر من التفكير خلااص خاطري اعرف شو بيستفيدون من تشويه
صورتي ………. والحين متأكده حتى لو اي حد فكر يخطبني بيقولون له هاي متكبره والكل طايح
من عينهااا وبيقولون السالفه طبعاا عسب يتراجع
انتي انظلمتي .. والمظلوم يكون قلبه محروق أكثر من الغير
للاسف اللي سوا هالحركه .. ونقل الكلام غلط .. فهذا مريض وانسان حقود
ونسى انه رب العالمين بياخذ بدعوة عباده
يالغلا
الامر صار وانتهى ..
ما في غير توكلين امرج لرب العالمين ..
تدعينه .. وتكثرين من الدعاء بأنه يفرج همه وييسر أمرج وياخذ بحقك من اللي ظلمج
الشي الثاني
ااذ قدرتوا تردون علاقتكم مع بيت عمج أفضل عسب صلة الرحم
خل ابوج او واحد من اخوانج يرمس عمج
يقول له .. ترى كل اللي وصلكم من كلام فهذا مب صحيح .. واحناا يايين نرجع علاقتنا كأهل بس
والله يهديهم إن شاء الله
اختي ما بيدج شي غير انج اتوكلين امرج لرب العالمين انتي مظلومه والله بياخذ بحقج وثقي بحكمة وقضاء رب العالمين ويمكن بعد اللي صار يكون اخير لج ،،، والا كيف عمتج ما تحرت عن الكلام اللي انقال لها ؟؟!! غريب صح !!! المفروض بس توصلهم مثل هالرمسه الكبار ييلسون مع بعض ويتحرون ويسألون مب على طول يطيحون فيج طيحه ولا ويشوهون صورتج بعد وينشرون مثل هالأخبار ؟؟؟
لو منج احمد ربي ان الله ما كتبلي نصيب معاهم ،،، ولد عمج على عيني وعلى راسي بس لو شاريج كان بعد بيسأل ويصر على امه اتقوله مصدر الرمسه مب على طول يصدق ويفسخ الخطبه !!!
الله يوفقج غناتي باللي احسن عنه وابرك منه وباللي يقدرج ويسعدج
و يقووولج نام مظلووم ولا تنام ظاااااله
و الحمد لله على كل حاااال ما في نصيب و اللي صاار كان سبب فقط
لربما انتي تستاهلين اخير عنه ما تدرين رزقج وين ؟؟؟
و لا تزعلين عمرج على شي يعتبر الحينه إنتهى و خلااااص
الخيرة فيما غختاره رب العبااااد …!!
كان من المنطق حرمة عمج تتصل للوالدة أو عمج يتصل لأبوج
و يخلونج إنتي بعيدة عن الموضوع أو يتأكدون من الموضوع ..!!
ألحينه حاولو ترجعو علاقتكم مع بعض ما بيستوي اختي هذا رحمكم ولا تغضبون رب العباد
بهذا التصرف و زوروهم و باركو لهم عشان تثبتون انه الكلام اللي إنقاااال هب صحيح ..!!
وإنتي بتتزوجين أكيد بإذن الله و بتعيشين حيااتج مستقرة و مستانسة مع من يختاره الله لك
توكلي على الله وربج بيفرج همج و إدعي اختي الله بياخذ حقج من الظاااالم
و إلا أقووولج إصفحي و سااامحي و إعفووو عن الناااس لعله خير لك يوم القياامة
إحتسبي الأجر يوم لا ينفع لا زوج و لا مال و لا عياال بتلقين حقج ينتظرج و تاخذينه مضااعف يوم القياامة
الناس وااايد اتحب اتخرب بيوووت..وتفضح بعد…
دووم قولي حسبي الله ونعم الوكيل على كل من ظلمني..
الله يفرج همج يارب..ويفرج همي امين يارب
ادعي رب العالمين يعوضج باحسن عنه
وتوكلي على الله وانسي الماضي
ولا تحاتيين المستقبل
عيشي حياتج وطنشي ألي يحاول يغثج
وربي يوفقج,,