مشكلتي ويا هالطير ساعدوني بليز

مرحبا حبوبات شحالكم

عندي مشكله مع زوجي واللي هي

عنده كوكاتو ( نوع من انواع الببغاء)

المهم متعلق فيه ريلي لدرجه انه هو الغالي هههه لاتخافون مااغار

والشي اللي دوم وكل يوم نتضارب عليه انه يخليه عندي فالغرفة عند ممر الغرفة والله وانا مول مب مستحمله هالطير وانا من النوع اللي وايد وسوايه وين الحين هالطير مب عارفه شو اسوي وياه وتعرفون يوم ينفش ريشه فالغرفة اععع والله بموووت

متعلق واايد وااايد في هالطير لدرجه ماتتصورونها وانا مب عارفه شو اسوي مرات اعصب عليه واقوله: هذي غرفتي وابي ارتاح فيها ماابي هالطير يكون فيها واقوله بعد بهدلك الغرفة وابطلع يقولي طلعي وين بتسيرين ؟؟

والله حاله ومب عارفه شواسوي مب قادره اقنعه في اي شي وانه على قولته وين احطيه هذا مايستحمل الشمس اقوله حطه عند اهلك اونه لا يبا دوم يشوفه يدامه ههههه

والله بنات اقوله بيعه وماتباه يقول هالتعب اللي تعبته كله على هالطير واخر شي ابيعه وشوي وبيصيح وانا وحليلي ولامرة شفت الدمعه من عينه علي لووول

شورايكم بنات اللي عندها افكار حلوه لاتبخل علي عشان هالطير شو اسوي فيه مرة والله فتحت القفص وكان مخلنه برع اونه الجو حلو وطار واقولكم استوى لاليله ليل ولانهاره نهار والله تم زعلان علي اوني انا السبب واخر شي الخدامات شافنه عن جيرانا ويابوه اخخخ ياقلبي والله انا عادي مااكره الطيور بس اللي مكرهني فيه ليش يكون وياي فالغرفة؟؟

الله يكون فعونج…. انا اشوف هذا الشي عادي .. اتحملي عشان خاطر الغالي.. يعني اونج استانسي بالطير ورمسيه وشاركي ريلج بمشاعره.. صدقيني بيستانس ريلج…. لا ولوتهتمي بالطير معظم الوقت وأونج ترمسيه وتلاعبيه ومطنشة ريلج بتشوفين كيف ريلج هو اللي بغار من الطير وبطلعه.. وربي يوفقج

مشكورة وردة ضفره على الرد صدقيني مااروم اللعب وياه واتحسس وهو من النوع اللي يعض بس مايعض ريلي لأنه يحبه ويعرف صاحبه والله اقوله لين متى بنتم جي خلاص مليت

فديتج انا ريلي شراتج عنده كاسكو نوع من الطيور والله اني كنت نفس الشي مكرهني حياتي حاطه ريلي عنا فالصالة تخيلي 24 ساعه وياه وانا كنت اتقمقم واحتشر واتنازع وياه وهو ماهمه المهم عنده الطير ويشوفه يدامه المهم قمت مع الايام اشوف ريلي يرمس الطير ويقوله قول ..فلانة….حبيبتي اسمي طبعا …. قام دومه من يشوفني يقوله ارمس قول فلانةحبيبتي وهو باسلوب ريلي فديته خلاني احب الطيرواتعلق به حتى يوم يداوم فديته يتصل لي يذكرني اريق الطيروأأكله واهتم فيه فيوم الله يسلمج ريلي اول مااشتراه جان يحطه على جتغه وطلع به برع ويشل بعمره ويطيررررررررررررررررررررر وريلي تخبل لا ليله ليل ولانهار والله ماخلى بقعه فالعزب والضواحي مادوره بس ماشافه توقعون شوصار الطير كان يدور عالبيت تموا ناس يشوفونه دوم دوم يطير بالفريج بس هب عارف وين يسير الين مازخه ريال فيته عقب ريلي وصله الخبرجان يسير بيت الناس وشله وردت له الروح وتم شهرين عقب مرض والله ريلي ماخلى بيطري ماوداه وجان يضربه دكتور ابرة تم يومين وجان يفارق الحياة صح ريلي زعل وحزن بس شكرني وايد وايد لان ماقصرت وياه فالشي اللي حبه حت دوم يطلعني نسير محل الطيور نتشوف ونستمتع وقال انا غير الكاسكو اللي مات مابخذ سبحان الله تعلق وايد وايد فيه اختي شوفي حبي الشي اللي ريلج يحبه حتى كنت ادخل النت ابحث لريلي معلومات عن هالطير اللي عنده والله كان يستانس حتى لو انج ماتحبين الطير بس جاملي ريلج حسسيه انج مهتمة بطيرة والله بيرتاح لج ريلج وايد بس قوليله طعه شوي برع كل يوم ساعه يتنفس هوا طبيعي لازم الطير يطلعونه برع يجتل الجراثيم اللي فيه لاتحكرونه دوم …… ومثل ماقلت لج حبي الطير اكثر من ما ريلح يحب الطير والله بتشوفي ريلج كيف بيحبج نصيحة من مجرب السموووحة طولت عليج وايد وايد فديتج

اذبحيه واحشيه وأكلي ريلج هالطير هههههههههههههههههههههههه

اسولف

ماقصرتي حبوبة والله ازمة الصراحة بحاول اتأقلم وياه بس من ماانا اتقرب يفج حلجه وينفخ عمره مايحب غير ريلي خخخخخ شكلها الكوكاتو حرمة وبحاول قد مااقدر والله يصبرني ومشكورة على تواصلج الغالية وماقصرتي فديتج

هههه بيذبحني بعده كل ولاطيره ههههههههههههه ومشكورة على تواصلج الحلو يالغاليه

يوم بتكونين مع ريلج حطي على الطير لحاف وغطيه