مشكلتي مع ولدي محتاجه للمساعده

السلام عليكم ورحمة الله وبركاته..

عندي مشكله مع ولدي إللي عمره 8 سنوات وهو في الصف الثالث..

هو الحمدلله شاطر بس مشاغب وصاير ما يحب الدراسه وبالغصب أدرسه..

ومشاغب بعد في المدرسه وما ينتبه لشرح المدرسين ويلعب خلال الشرح والمدرسين صاروا دايماً يشتكون منه على الرغم أنه يتعاقب بأنه ما يطلع في وقت الفرصه بس ما شي فايده..

ومرات تستوي مشاكل بينه وبين الأولاد إللي في المدرسه وهو يعصب ويضربهم..

وفي الإمتحانات يستعيل في حل الإمتحان فبدل ما يجاوب السؤال صح يجاوب غلط مع أنه يعرف الإجابه الصح..

وفي البيت أحاول أني أعاقبه إذا غلط أي أحرمه من الأشياء إللي يحبهن مثل البليستيشن أو أنه يطلع للمول..

وأتمنى أنكم تفيدون من خبراتكم في مشكلتي..

وجزاكم الله خير..

الله يحفظ لج ولدك يارب

خلي ابوه يكلمه رجل لرجل يقوله انا ابني رجاال

ويقوله ويوعده انه يشتري له هديه
اذا المدرسين ما شتكو منه
وانتي قولي له اذا محد شتك منك وتحل زين وتركز في دروسك بشتري لك هديه لكن اذا ماشي تحسن
قولي ماشي هديه وخليه تفاق وكلااااااااااام رجال يعني يوم يتفقون الاب والابن خليه يكلامه بثقه عسب يصطلب لولد
مو توعدو وما تسون وشوفو يمكن ينفع معه
والله يكون في عونك
اي صح شوفي هو شو يبي يكون في المستقبل وشجعيه

الله يعينج اختي،، ويهدي لج ولدج…

مشكورين خواتي على الردود..

أختي براءة المشكلة طبيعة شغل زوجي أنه ما يكون معانا يمكن في الشهر يومين.. بس مشكوره على فكرتج وبخلي ريلي يوم بيكون متواجد أنه يكلمه إن شاء الله..

وأتمنى أنه تنفع هذي الطريقة..

وجزاكم الله خير..