مشكلتي مع بنتي مب عارفه كيف أتصرف معاها أمس كنت طالعه مع صديقتي في السياره أوفجأه سمعت بنتي تصرخ كأنه شي رص على رجلها أو شي عورها أو ..أو…….. ماعرفة شسالفتها تصرخ وتصرخ وتصرخ ماعرفت شسوي لأني كنت أنا أللي أسوق وهي قاعده على كرسيها وهي متعوده تقعد عليه (كرسي السياره) وضطريت أرجع بيت صديقتي ,خذتها ,وبدلت ملابسها وكلمتها وهدت أشوي رغم أن عمرها سنه ونص ..
أوبعدين وهي تلعب رجعت تصرخ مره ثانيه ,وبقلب الأم أكتشفت سبب صريخها أنها أتخاف من ظلها خوف غريب وعجيب.لدرجة أني يوم رجعت البيت أوهي معاي في السياره قاعده على رجلي وأنا أسوق والمسافه خذت ساعه ألا ربع بين أني أوقف أشوي أهديها واسوق أشوي أتخاف من ليتات الشارع يوم تستطع عليها يظهر ظلها أوتصرقع (تتخبل )من الخوف . وألحين مب عارفه أطلع معاها في أي مكان حتي وهي فالبيت بعد أتخاف من ظلها وأنا طول الوقت شالتنها في البيت ماتبي تمشي على رجلها ..ولا حتى بالنعال عزكم الله..
ويوم وصلت البيت خذتها وقريت عليها وعطيتها ماي مقري فيه ورقيتها .. ورقدت فالليل وطول الوقت تتقفز وتصيح أولين ألحين وهي فيها هاي الحاله قلت بتنام وبتنسى بس مافي فايده ..
هل هاي الحاله الغريبه بطول عندها ,وهل لها حل أو ماعرف كيف أتصرف معاها ,,
يزاها الله خير أللي بتلقالي حل لها وأذا أي وحده مرة عليها نفس هاي الحاله أتقولي كيف أتصرفت..
اساسا لا تظهرون عيالكم الا تحصنونهم
اعوذ بكلمات الله التامه من كل شيطان وهامه ومن كل عين لآمه ( ثلاث مرات )
يوميا حصنو عيالكم
هالحاله صارت لها فجأه حسب ما قلتي
تمي اقري عليها سورة البقره لمدة ثلاث ايام على الاقل وانفخي في ماي زمزم لو عندج وشربيها منه
ويوميا المعوذات
وان شاء الله بتهدا
ما فيها إلا العافيه
كل طفل عنده خوف من شي معين
يعني مثلا ولد ختيه إذا يلست العب معاه وهو فحضني إذا بغيت اوخره عني شويه يمسك فيني بيدينه ثنتين بقوه وتحسينه خايف من شو مدري
يخاف من الدباديب الكبيره
يخاف من الأصوات يعني اخته عندها حصان صغير ( لعبه ) لما تركبه يصدر صوت حصان يموووووووووووووت منه
فانا اشوف هالشي عادي
يعني شوي شوي تتعود خليها تشوفج انتي تمسكين الأشياء للي هي تخاف منها
او تروحين الأماكن للي هي تخاف منها
شوي شوي بتتعود
وانا من رايي خليها تختلط بعد ويا ليهال اكيد بتستوي جريئه وياهم
لن العيال يشجعون بعضهم
وان شاء ما فيها شي
الله يحفظها لج
و يوم يطلع لها شكل الايد صفقي لها .. يعدين قولي لها انه في طريقه احلى .. بتسالج كيف .. يبي لمبه و حطيها على اساس انه الظل يطيح ع نفس مكان الورقه .. و خليها و وريها انج نحطين ايدج جدام الليت .. و بعدين اشري على الورقه و قول لها شوفي شو يستوي يوم احط ايدي .. و بتشوف .. يمكن تخاف … بس انتي خليج تضحكين طول الوقت عسب ما تخاف .. و قولي لها ترسم حول الشكل عسب يطلع شكل ايدج .. او اذا عندج حد من عيالج او عيال اخوانج شوي اكبر و هي تلعب معاها دوم … خليها تسوي اول .. بعدين بنتج
لازم تخلين بنتج تواجه خوفها بروحها .. اما انج تهدينها ما بييب نتيجه .. لانها بتهدا و ترجع مرة ثانية تصيح
أنك تلعبين وياها لعبة الظل
يعني تيلسين وياها في غرفه فيها نور
وبعدين تطفين النورواتولعين أبجوره
وعلى الجدار المقابل
تسويين بإيديج حركات
أو أشكال حيوانات
وبالتدريج
بتتأقلم مع الظلام
وعادي حبيبتي لا تحاتين
كان اخوويه الصغير نفس الشي يمووت يوم يشوف ظله وكان تووه يخطي ويمشي ويشوف الظل يتحرك وياه وقمنا نيلسه ونراويه اونه هذا لعبه ونيلس نسويله اشكال ونهديه ونفهمه بتوقلين صغيره
بس الصغار تتركز عندهم الصورة اكثر فأنتي بها الطريقه بتراوينها شو معنى الظل مثلا تسوين حركات وتراوينها وتخلينها تسوي لين تحس انه هذا الشي ماله تأثير ولا يخوف وكوني وياها وطمنيها
وتدرين اني انا ساعات اخاف من ظلي هههههههههههههههه حتى امي تقوول صدق يوم قالو تخاف من ظلها
يعني اذكر كذا مره انزل البيت في الظلام ومره وحده اشوف شي اسود تحصليني ازاعج وانسى انه ظلي من الخوف هههه بس عادي اطمني حبيبتي ،،
وكل طفل يخاف من شي بنت عمي تحصلينها تخاف تكون في مكان عام بروحها يعني اذا كان حد وياها ومره وحده اختفت عنها ترتبك وتخاف وتحس انها بتضيع لانه مره ضاعت وهيه صغيره وتنسى كيف تصرف معنه عندها موبايل وكل شي بس من الخوف تنسى