……((( اللهم صلي على محمد و على آل محمد كما صليت على ابراهيم و على آل ابراهيم و بارك على محمد و على آل محمد كما باركت على ابراهيم و على آل ابراهيم ،، فالعالمين إنــك حميد مجيــــد )))……
السلام عليكن خواتي العزيزات ،،شحالكن ؟؟ ان شاءالله الكل ابخير …
بنات انا نفسيتي صدق موول تعبانه ،، وايد خايفه من نتايج الجامعه ( للعلم انا خريجه ) ،، ما ابا اعيد ولا شي من المواد ، لاني صدق كنت مجتهده واحضر لكلاسات واسوي كل اللي عليه وفرحانه اني بتخرج ،، بس سبحان الله اوقات الامتحانات اتكوون صعبه وتأثر ع الدرجات ( الله يسامح بعض الدكاتره ، يظلموون البنات بصعوبه الامتحان ) ،، الكل يعرف اني خريجه والكل بدا يبارك حقي ..
ما ابا احس اني فاشله ،، مع اني الحمدالله احب الدراسه وشاده حيلي ،، بس شاءت الاقدار اني خذيت مواد ف جامعه ثانيه ( عشان اتخرج) ودراستهم صعبه وااايد وما يقدروون الطالب ابد…
والله اني متحطمه ومالي غير الصلاة والدعاء لرب العالمين بالنجاح وان شاءالله جامعتي تقبل النتايج وتيسر كل امووري ..
اربع سنوات دراسه وانا انتظر يوم تخرجي من الجامعه ( حلم حياتي )….
محتاجه كلمه منكم اتريحني ،، واتمنى كل وحده تدعيلي بالنجاح واتخرج هالفصل وما اعيد اي ماده …..
الله يوفقج حبيبتي .. و إن شاء الله ، الله بيسر أمورج .. و لكل مشتهد نصيب .. و الله إن شاء الله ما بيضيع تعبج ..
و إن شاء الله تبشرينا بتخرج من الجامعة هذا الفصل .. و ربي يوفقج الغالية . .
^_^
لأنـج ما شاء الله شآآدة حيلــج و ربـج ما يضيع أجر من أحسـن عملا ..
إن شاء الله تفرحين بتخرجج و تفرحين أهلج و ناسـج يآآرب ..
عليـج بالاستغفار و الدعاء حبيبتي^^
أتمنى لـج التوفيق 
ان شاء الله يااااااااااارب تنجحين وتتخرجين يا اختي ولا تعيدين ولا مااادة
خلي ايمانج بالله قوي ..ولو صار لاقدر الله وخلوج تعيدين شي اعرفي انه ربي جي كاتب ولاتزعلين مول وشدي الهمه