مشكلتي الثانيه مع الليزر

خواتي أنا طرحت موضوع عن تجربتي مع ليزر الوي وان زيد لي الشعر منطقة الرقبه بشكل كبير ولازم اشيل الشعر تقريبا كل 5 ايام ..المشكلة أنا سويت 6 جلسات والليزر طلع لي حبوب بويهي ولما اشيل بموس ويهي يشب علي ويحمر وتزيد الحبوب ألحين لو بكمل جلسات زيادة عشان الشعر يخف كيف أبدأ جلسات وويهي بزيد في الحبوب وأنا أستخدم كريمات للحبوب وصفها لي الدكتور شو الحل خواتي والله نفسيتي تعبانه والسبب الليزر وويهي ادمر ممكن تنصحوني شو اسوي حتى لو خلصت علاج ويهي من الحبوب آخاف أسوي ليزر ويرجع مرة ثانيه ويهي يدمر كيف أشل الشعر شو الحل ..

هوووووووووووووووووووب

تقريباً انا هالشهر تميت 10 جلسسسات
و الله بيني و بينج كأني ما سويت ليزر .؟؟؟؟؟؟؟؟؟؟

توني ما كملت 3 اسابيع .. و طلع الشعر صوب الرقبه
احس حرام قطيت بيزاتي على شي هب مضمون
المشكله اني غيرت الجهاز 4 مرات بس للأسف مانفعني

يعني بالعربي .. مشكلتي مثل مشكلتج
الشعر بدأ يرجع مع عاشر جلسه

للعلم نوع الجهاز اندياج .؟؟

و حالياً للأمانة افكر اغير المركز
فـ هل من نصايح .. هههههههههههههه هل تنصحيني بمركزج و لا لا هههههههههه

حطي على الحبوب لوشن دالاسين تي واذا ما حصلتيه حطي محلول ميداسين تي عل الحبوب يوميا بتحصلينهم في الصيدليه وبعدها ابتعدي عن الليزر وسوي السوفت لايت كحل مؤقت للمشكله لانه ما يطلع حبوب مثل الليزر …
وعن تجربه كله نفس الشي بس السوفت لايت وايد احسن لشعر الويه اخف اما للجسم هو الليزر بس الله يهديهم العيادات المفروض ما يسوون منطقة الوجه بالليزر الا مناطق معينه ….

الاخت غاليه أنا من خورفكان مول ماأنصحج في عياادتي هي بفجيرة
ومشكورة ع الرد

المفروض ما كنتي تسوين ليزر للويه،، لأنهم أكيد يشيلون الشعر بالموس ،، صح؟؟؟

الأضمن للويه سوفت لايت،، شعرج يستوي فاااتح فاااتح و ما يمبان مثل الوبر و مع الأيام بروحه يطيح و يفتح لج البشرة و يساعد على توحيد لون البشرة،،، و عقب كل 3 أو 4 شهور أو على حسب الحاجة تسوين Retouch
بس الحين ما عرف شو الحل بالضبط،،، ممكن تسألين عيادات عندهم سوفت لايت و ممكن الحين يفيدج و للا لا

الله يوفقج