مشكلتيه مع الكليه اللي ماراح تخلص

السلام عليكم ..
شحالكم بنات عساكن بخير..
ما اطول عليكن …. بس عنديه مشكله فالكليه .. اللي هي أني اخاف من الامتحانات وااااايد يعني أتم ادرس طوووول الليل والصبح انش وما اروح الكليه!!!
تعبت والله والمشكله فالمدرسين والمدرسااات ماعندهم كفاءه أبدا ًََ … يعني يتعاملون معانا كأنا يهال .. ومثلا عندنا مدرسه رهييييبه من تدخل الكلاس وهي ترمس بطريقه سريييييعه كأنها مركبه توربو والنتيجه ان نخلص حول الثلاثين صفحه في ساعه ونص.. وأنا الصراحه من النوعيه اللي احب الكلام ينعاد مره ومرتين واسوي عليه تمارين لين ما افهم ولا فالنهايه ما راح افهم ولا بحب الماده… لاعت جبديه من الكليه والله صرت اغيب وايد لاني اعرف اني ماراح استفيد ومرات احظر بس عشان مايسجلوني غياب ويعطوني نذار!!!! يعني صار الهدف غبي جدا ً.. (أحظر بس عشان الحظور وما اتسجل غياب!!!)… وازيدكم من الشعر بيت المدرسه تقول ان اللي تتأخر خمس دقايق عن الكلاس يتسجل غياب!!! عندنا فالقائمه (حظور,, غياب..تأخير).. وهي طبعا عندها يا حظور او غياب!!…..
ا وأنا سرت الاداره وقلت لهم واشتكيت تخيلو شو قال ليه المسؤول؟؟؟ قال والله مش انتي بس اللي مشكيه عليها وهي عليها وااايد شكاوي!!!! بس أنا بسقط ما بنجح!!! وعلى فكره انا شااطره ..

شوه اسوي تعبت والله ما اعرف شوه اسوي شورن علي.. وادعوليه بالهدايه وان تتيسر اموري

هلا اختيييه

نصيحه مني لج وها مستقبلج

حاولي ترمسي الاساتذه من بعد او القبل الكلاس

انج من النوع الي ماتركزي بسرعه وماتفهمي لهم لما يرمسوا بسرعه

لعلشان هم يغيروا طريقه شرحهم لكم

اتبعي هالطريقه

وموفقه خيتوووو
وبالتوفيق

كلنا سرنا الكليه ودرسنا و تاخرنا شويه و لا غبنا و فينا المرض و تحملنا الاساتذه بس ما تشكينا !

و الحمد لله نجحنا بالامتياز بس يباالج شويه تشدين حييلج

خخخخخخخ تذكرت أيام الجامعة … تدرين أن سالفة الحضور بس علشان الغياب !! الكل يطبقها و انا من ضمنهم ..

بس بسألج سالفة صعوبة التركيز ها الشيء من الصغر و لا بس بالكلية ؟؟

في ألعاب و برامج تساعد على تنشط التركيز .. و تقدرين تقرأين المواضيع اللي ممكن تدرسونها قبل الكلاس .. او تحضرينها في البيت على الأقل ..

لان موضوع ان الدكتور يقرأ 30 صفحه في ساعة و نص .. ها شيء عادي !! نحن في الجامعة كان يخلص الوحده كاملة في ساعة و ساعات يلف لنا بس الصفحات !! يعني انتوا يا ذكيات روحوا البيت و ادرسوا لحالكن !! كان الوضع سيء بس تجاوزناه لله الحمد و المنه ..

شوفي عندي لج حلين ::
1- تلعبين ألعاب التركيز علشان تنشط لج الذاكره .. و تحاولين تسمعين أي شيء في التلفزيون أو الراديو و عينج مغمضة .. بحيث أنج تركزين على الكلام اللي تسمعينه علشان تتعودين ..

2- أو تحضرين وتقرأين الماده قبل الكلاس .. علشان لما الدكتور يشرح انتي تلقطين كم كلمة من هني من هناك .. و تقدرين تستوعبين حتى لونص الماده ..و روحي الوفيس أسألي الدكتور خله يشرحلج شو خانته !! و حاولي تقولين له ان الكم المفهوم من الماده أفضل من الكمية اللي هو أنجزها .. و فهميه ان الطالبات يظهرون من كلاسه ما فاهمين شيء بسبب سرعته ..

لي عوده ان شاء الله ..

دمتي بود ..

اشكركن على الردود فديتكن..
أنا مرات اقول فخاطريه يمكن اني من الصغر عنديه عقده او مشاكل مرت علي هي السبب بس انا دوووووم اقنع نفسي اني ما أأمن فهذي السوالف لان مالها علاقه فالدراسه وان المشاكل مش مأثره علي .. الله اعلم
احس اني بصييييح والله وودي اطلع اللي فخاطريه يمكن اني ارتاح واركز.. تخيلو كل كورس انزل مادتين او ثلاث مواد.. يعني حمسه وما اظني بخلص اذا هذا نظامي!!!! اعرف اني غلطانه ولازم اني اسوي شي بس ما اعرف شوه اسوي كيف انظم وقتي كيف احس اني ماشيه مع الدروس؟؟

ساعدوني ارجوووكن
اعرف ان مشكلتيه عبيطه شوي بس انا اعتبرها مشكله وما اتدلع لان هذا مستقبليه

يزاكن الله خير

حبوبة انا عرفت اي نوع من البنات انتي
انا كنت في الجامعة واعرف بانواع البنات
انتي النوع الشاطر الملوووووووول …. وانا متاكده انج بعد من النوع اللي يتاخر في تسليم البحوث والواجبات…يعني دائما على اخر لحظة…مو قلت شطارة منج….بالعكس…بس لانج ملانه وزهقانه وكارهه المكان
اتعرفين انا كنت اعرف وايد بنات من نفس شخصيتج…وللاسف كثير منهم ودروا الجامعه بس عشان هالملل والاحباط اللي كان فيهم
حرام والله انج ما تستغلين شطارتج عشان ترفعين درجاتج والله حرام
انا يوم كنت اطالع هالبنات كنت اتحسر على المخ اللي عندهم…ذكااااااااء بس ما يستخدمونه
حبوبة كلنا مرينا بمراحل احباط واكتئاب بس ابا ما خليت هالشي ياثر على حلمي في كمال الجامعه …
وللعلم انا زوجة وام من انا وطالبه يعني عانيت بدل الاحباط احباطين والاكتئاب اكتئابين
انتي بس شدي الهمه وكلها فترة وبتتخرجين وبتشتغلين باذن الله وكل شي بيكون احس عن الوضع اللي انتي فيه

رمسي الاستاذه وخليها تعيد لج حتى لو مليون مره

والله يوفقج الغاليه