السلام عليكم ورحمة الله وبركاته
خواتي عندي مشكلة الحين توهقت مع هالمكتب الكذاب حسبي الله عليهم .. مكتب الهلال في الفلبين.. دخلت موقعه في الانترنت واخترت خدامة فلبينية مسلمة المهم .. قالي راتبها 800درهم .. وسعرها 7000 قلت زين نعمة الحمدلله
وطبعا عقب ما سويت التأشيرة وكل شي .. طرشني عند المكتب الي يتعاملون وياه في بوظبي اسمه "الركن الفضي" وطرشولي عقد عمل للخادمة من السفارة الفلبينية اونه وقعي على صرف راتب شهري وقدره 1500درهم !! انزين ليش ما تخبروني من اول قبل ما اسوي التأشيرة .. قالي راعي مكتب الهلال هذي مجرد أوراق مطلوبة للسفارة ونحن متفاهمين مع الخدامة انه راتبها 800درهم
والحين يوم يبتها تقولي انا موقعة مع المكتب راتب 1200 وبعدين بعد كم من شهر يزيد ل 1600 !!!
خواتي عندي مشكلة الحين توهقت مع هالمكتب الكذاب حسبي الله عليهم .. مكتب الهلال في الفلبين.. دخلت موقعه في الانترنت واخترت خدامة فلبينية مسلمة المهم .. قالي راتبها 800درهم .. وسعرها 7000 قلت زين نعمة الحمدلله
وطبعا عقب ما سويت التأشيرة وكل شي .. طرشني عند المكتب الي يتعاملون وياه في بوظبي اسمه "الركن الفضي" وطرشولي عقد عمل للخادمة من السفارة الفلبينية اونه وقعي على صرف راتب شهري وقدره 1500درهم !! انزين ليش ما تخبروني من اول قبل ما اسوي التأشيرة .. قالي راعي مكتب الهلال هذي مجرد أوراق مطلوبة للسفارة ونحن متفاهمين مع الخدامة انه راتبها 800درهم
والحين يوم يبتها تقولي انا موقعة مع المكتب راتب 1200 وبعدين بعد كم من شهر يزيد ل 1600 !!!
ما عرف شو اسوي الحين حسبي الله عليهم نييبهم عشان نرتاح يزيدونا هم !
وبعد يوم قلت حق راعي المكتب ليش جي تسوي وانا ماريد مشاكل .. يقولي الامور بسيطة لا تعقدينها وشو المشكلة اذا زدتيها شويه؟؟!!
المشكلة النصب والاحتيال مب قيمة الفلوس حسبي الله عليك من مكتب
بشو تنصحني خواتي ؟ بصراحة الخدامة وايد زينة وشغلها نظيف وعندها لغة ما شاء الله عليها
والله مااعرف شو اقولج قهر حتي لو عدها مية لغو 1600 عاد وايد بس دامج اتقولين انها زينة حاولي معاها ومع المكتب تراهم هم ايشوفون 1600 شوية لانا احنا بندفعهن لو هم بيدفعون ماكانوا رفعوا السعر
يزاج الله خير اختي عالرد الطيب .. ان شاء الله بحاول بعدني والله يعينا.. والله شغله التبديل او التنازل قوم سوي تأشيرة وقوم سوي فحص وغيره ! الله المستعان
تفاهمي وياها اذا قدرتوا توصلون لحل وسط
واذا لا رجعيها انتي اتفقتي ويا المكتب وهو اخل بالاتفاق يتحمل مسؤوليته
يعني قوليلها انا اتفقت وياهم على ٨٠٠ وانتي قصوا عليج بعد
يعني انا وانتي انخدعنا
يعني انا وانتي انخدعنا
اذا ترومين تعطينها الف كراتب قوليلها بعطيج الف و تمي
يزاكن الله خير خواتي عالنصايح الطيبة ..
أنا يالسة أحاول بعدني وياها .. قالت ريلها وايد معصب عالمكتب الي هناك واليوم مودليهم الشرطة خل يأدبونه ..
وأنا قلتلها انتي الصراحة ما شاء الله عليج زينة وفاهمة وماريد أخسرج .. وفي نفس الوقت ما أقبل المكتب يتلاعب عليه ويسويني مقصة .. فقلتلها بزيدج 100 يعني 900 درهم وممكن من فترة لفترة أعطيج بعد زيادة اذا شفت منج شغل أفضل وأفضل
أنا يالسة أحاول بعدني وياها .. قالت ريلها وايد معصب عالمكتب الي هناك واليوم مودليهم الشرطة خل يأدبونه ..
وأنا قلتلها انتي الصراحة ما شاء الله عليج زينة وفاهمة وماريد أخسرج .. وفي نفس الوقت ما أقبل المكتب يتلاعب عليه ويسويني مقصة .. فقلتلها بزيدج 100 يعني 900 درهم وممكن من فترة لفترة أعطيج بعد زيادة اذا شفت منج شغل أفضل وأفضل
بقوللها بعطج 1300 لو تبين مو بس 1200
بس بشرط
تدفعين كل شي خاص فيج من اكل وشرب ولبس وصابون وشامبو ومعجون رصيد
قوليلها صح انا بعطيج 800
لكن ما بتدفعين فلس منها حق عمرج
لكن لو طلبتي المبلغ اللي تقولين عليه
عيل لازم تدفعين فواتيرج
بس بشرط
تدفعين كل شي خاص فيج من اكل وشرب ولبس وصابون وشامبو ومعجون رصيد
قوليلها صح انا بعطيج 800
لكن ما بتدفعين فلس منها حق عمرج
لكن لو طلبتي المبلغ اللي تقولين عليه
عيل لازم تدفعين فواتيرج