مشكلة بنتي مع اخوهاااا الأصغر منهاا

السلام عليكم

شخباركم يا امهاااااات

انا اليوم بكتب موضوعي لانه واااااايد متعبني هالشي اللي وهو…….؟

عندي بنتي البكر عمرهاااا 3 سنين واخوهاااا عمره 2 الله يحفظهم المهم

آذت ولدي كله تضربه وتااااخذ منه اي شئ بيده وتحب تقهره وتربشه

مستحيل تخليه بحاله وأنا تعبت منهاااا مافي فايده وكل شئ أجيب منه

اثنين مسكين كله يبكي لدرجه انه فالليل يحلم انه تأخذ منه أشياء بيده

ويتم يبكي وهو وااااقد وما عرفت شو الحل معاها لا تقولون اضربيهاااا

ماحب الضرب العنيف إضرابها ضرب خفيف مرات واكلمهاااا بس ماشي

فايده ؟؟؟؟

بليزززز أبا اقتراحاتكم ؟؟

الله يكون في عونج

لأ لا تضربيها
اذا ضربتيها بتزيدي الطين بلة
اول شي هي اكيد غيرانة لانو يمكن في ناس عم يدللو الصغير اكتر بالبيت
بس انتي اسأليها الها انو ليش عم تعملي بأخوكي هيك
و حسسيها انك بتحبيها ، يعني وقت تضرب اخوها لا تضربيها او تبعدي اخوها
احمليها الها و احكيلها انها ما تضرب اخوها لانو بيحبها و انتي بتحبيها و ان اخوها عملها شي انتي رح تعاقبي كمان
و حاولي تمدحيها بين الاقارب

و الله يعينك و يخليلك ياهن

هههههههههه ذكرتيني بعيالي لأنهم نفس حاله عيالج
لا تعبين نفسج لان اغلب العيال جي
الله يحفظهم من كل شر

نفس الحالة الي عندي

في الحقيقه المشكله تكون بدايتها من يجي الطفل اليديد نبدأ نخاف عليه من اخوه الصغير ونحاول نبعده عنه من خوفنا انه يسوي فيه شي وهذا اكبر غلط نسويه لأن نحنا بالتصرف هذا قاعدين نزرع عداوة بينهم ونحنا ماندري
وتحت مبدأ كل ممنوع مرغوب يبدأ الطفل يدور على اي لحظه يغافل فيها الاهل عشان يتمكن من الصغير هذا الي مانعينه منه ويبدأ مسلسل ماينتهي ومشاكل مثل ماتعانينها اختي رغبه في اخذ كل اغراضه وضرب وووووو وفي الاخير انتي التعبانه
وجود طفل يديد مع تواجد طفل في البيت لم يتجاوز عمره عامين او حتى ثلاثه محتاج حكمه لو تشوفيه يقرب من اخوه لاتجين تصارخين وتبعديه قربيه منه بس تحت رقابتج خليه يبوسه يحضنه وعلميه وباسلوب انه اذا سو فيه شي ماراح يكون موجود
الطفل الصغير راح يكون حاب وجود هذا الطفل لأنك حسستيه انه شي منه انه شي حلو بحياته عشان كذا راح يكون هو احرص منج عليه
وراح تشوفي مواقف جميله انتي تغفلي فيها عن طفلج الصغير والي يعدل اخطائج هو الطفل الثاني
يعني راح يكون عندج طفل معين في البيت اكثر من انه مشكله تاعبتج
المسئله هاذي كلها محتاجه حكمه من الام مش تجي وحده وتترك الياهل يلعب فيه اخوه وتقول عشان مايكرهه لين مايسوي فيه شي
يعني لازم تخلين نفسج في الوسط لاتكبري موضوع ان الطفل يقرب من اخوه وفي نفس الوقت ما تستهينين فيها
نفس ما قلت المسئله محتاجه حكمه وانتي في الاخير المستفيده
اجمل شي تسويه الام انها تكلم الطفل الصغير وكأنها تكلم كبير
هذا الاسلوب يعطي الطفل انفتاح في العقل وقدره عل الاستيعاب اكثر
لكن الطفل الي تربيه على سوي هذا ولا تسوي هذا وهذا غلط وهذا صح من دون ماتقدمي له اسباب ومبررات راح تكون المسئله عنده بكيفه يعني لو يبي يسويه راح يسويه سواء كان صح سواء كان غلط
لانه مايوعي اصلا ليش هذا غلط ليش انا ممنوع من هذا الشي وليش لازم انا اسوي هذا الشي
اسلوب التفاهم مع الطفل يولد له مستقبلا شخصيه قويه يقدر يواجه بها المجتمع لمن يكبر
وطالما انج عودتيه انك تبرري له وتفهميه اي موقف راح تكوني مستقبلا انتي الملجىء له في مواقف حياته وراح تتجنبي مشاكل اكبر في فتره البلوغ والمراهقه

نرجع لصاحبة الموضوع انتي عندج الموضوع منتهي البنت تاذي اخوها الحين مهمتج تزرعي الحب والود بين اولادج الي هم فاقدينه المسئله محتاجه صبر يعني مش في يوم وليله راح تغيرين بنتج خصوصا ان البنت عارفه انها هي الاقوى وتقدر تاخذ الي تبيه من اخوها يعني مو محتاجه انها تتنازل يمكن تقولي ان اوراق الزهر قاعده تكتب كلام فوق الخيال لكن فعلا هاذي افكار تتولد داخل الطفل ونحن نغفل عنها لأن نحنا نستصغر الطفل وماننظر لتوابع تصرفاته
المهم سالفة اشتري هذا لعبه وهذا نفسها انتي قاعده تربي ملكيه شخصيه لكل واحد وهاذي را ح تأثر فيهم في المستقبل يعني مبداهذا حقي وهذا حقك وين الاخوة وين الي معي كانه حقك والي معك كانه حقي وين الشراكه وين المساعده
اول خطواتك اجلسي مع بنتك وكلميها كانها كبيره ولا تستصغري سنها ولا تستهينين به
والكلام لازم يكون ود وحب اماالضرب لا انتبهي راح تعقدي المسئله ولكن ترهيب بسيط مخلوط مع كلمات حب وود ولو البنت تخاف انك تزعلي منها استخدمي النقطه هاذي بطريقه وديه موتهدديها بها طبعا سالفة الترهيب اخر الشي بعد كم اسبوع لمن تحسي ان الكلام ماينفع معها جلسة الكلام تكون يوميا مره مرتين في اليوم واصبري اذا تبين نتائج
جيبي لعبه مشتركه لعبه مايصح الا يلعبوها اثنين وخليها عندك وجلسيهم يلعبوا وانتي معاهم عشان ماتقلب الاخت عل اخوها وعشان يحسو بالمتعه والجو الاسري جو الشراكه والمحبه كلنا مع بعض وقلبنا واحد
وعوديهم هذا يلعب بلعبة اخوه والثاني بعد راح تواجهي رفض من البنت لكن مع الايام راح تغير
اشتري حلاوة وشبس خليهم نفس بعض مافي مشكله بس خلي الولد يعطي اخته من حقه ولو حتى حبه من كيس الشبس
صح انها شي صغيره لكن معناها كبير معناها رساله لأخته لا تخافي الي معاي اعتبريه حقج
وخليها تعطيه ولو رفضت اليوم وان رفضت ثاني يوم خليج في محاولات لين ماتتغير البنت وادعي لاولادج دعوة الوالدين تقبل بأذن الله
السموحه طولت عليج

ويكون بعووون الجميع يارب