اليوم كلمتني اربيعتي وكانت وايد متضايجه ومب عارفه شو اتسوي (( طبعا انا ما بلقا مكان أحسن من منتدانا عشان اناقش مشكلتها فقررت أنزل موضوع عشان نوصل لحل مع بعض ))..
في البدايه من وجهة نظري أنا ما اعتبرها مشكله بقدر ما اعتبرها شي طبيعي بس اربيعتي متأزمة وايد .. البنيه صارلها مخطوبة خطبة رسمية بتكمل 5 شهور ..ومن يوم الخطبة ليومكم مافي أي اتصال بينها وبين خطيبها قلتلها هذا شي طبيعي لانه شرعا لا يجوز الا اذا ملج عليج واقتنعت.. بس اتقولي ابدا اهله ما اييبون طاري الموضوع مع اهلها واهلها حاولوا يفاتحونهم في الموضوع وكان رد المعرس انه هو مب ناسي الموضوع بس يتريا الوقت المناسب.. المشكله انه اربيعتي عندها احساس انه ما يباها واتقولي عطيني سبب مقنع ولا خلاص انا بفسخ الخطبه ما ابغي اكون لانسان ما امسولي سالفه وانا اقولها هذا شي طبيعي يمكن يتريا الوقت يحين وبيملج وبيتزوج نفس الفتره ,,.. فياريت خواتي تعطوني حل عشان اقدر اقنعها فيه ..
وسلمتواااا.. أختكم : غــــــــــــــــــــــرور
أحيانا الخطبة ممكن تطووول وأحيانا لااا ومفروض كله باتفاق الأهل .. بس الأفضل انها ما تطول ^^
ممكن أهلها يختارون انسانة ثقة توصلهم شعورهم .. يعني تقولهم مثلا طولتوا والناس تتحراكم فصختوا الخطبة وتحاول تعرف شو مشكلتهم وشو همهم
وان شاء الله غيري يفيدج أكثر والسموحة وربيعتج خلها تصبر شوي الين يتصرفون أهلها ^^
ولا شرط انه مايباها دامه ماكلمها
لازم تحط في بالها اختلاف التفكير والسنع عند العوايل…يعني لو هي اهلها راضين ممكن اهله هو مايرضون انه يرمسها الا عقب الملجه او ممكن يكون هو نفسه مستحي او يخاف انها تكون خطوة غلط في حقها.
انصحيها انها اتكبر مخها شوي..كلامها ممكن يكون صحيح لكن بعد ممكن يكون غلط وماعليها الا انها تهدي بالها وتشل هالتفكير من راسها وان شالله خير
طول يكون الرد والتفاهم إذا الله ميسّر الأمور ، أما
إن الريال يتعذر بأعذار تعبانة مثل : أتريا الوقت
المناسب ؟؟؟ فهاي وايد غريبة الصراحة ، يعني
خلال الخمس شهور . . أبدا ما يا الوقت المناسب ؟
خلي البنت تاخذ هي وأهلها موقف ، لأن كان ممكن
إييها نصيبها خلال هالخمس شهور ! مب اتم مثل
الوقف !
الله ايسر أمورها يا رب 
المشاركة الأصلية كتبت بواسطة …(مريّة)… 
طول يكون الرد والتفاهم إذا الله ميسّر الأمور ، أما
إن الريال يتعذر بأعذار تعبانة مثل : أتريا الوقت
المناسب ؟؟؟ فهاي وايد غريبة الصراحة ، يعني
خلال الخمس شهور . . أبدا ما يا الوقت المناسب ؟
خلي البنت تاخذ هي وأهلها موقف ، لأن كان ممكن
إييها نصيبها خلال هالخمس شهور ! مب اتم مثل
الوقف !
الله ايسر أمورها يا رب نفس الكلام^
بس خليها تتوكل على الله .. وان كان فيه خير لها بتاخذه وان كان لا فهو خير لها انها ما تاخذه
ومثل ما قالت أختي مرية لازم اهلها يتخذون موقف ويخلونهم يحددون يا هي يا لا مب جي يالسين ..
صبروا عليهم لين عقب العيد ما ردوا يتكلمون خليها هي تكلم أهلها انهم لازم يتصرفون وما يسكتون
وربي يوفق الجميع ان شااء الله ..