السلام عليكم خواتي حبيت اتشاركوني وتعطوني رايكم اخوي ملج وبعد الملجه سار يخلص اوراقة لصندوق الزواج شوفو الصدمه الي انصدمها انه مايعطونه المنحة يوم سألهم قالوله لازم تكون البنت مب في ال18 لازم تكون مخلصة ال18 مع انه راتبه ظعيف لاكن شو ايسوي الله بيدبرها كيف يطالبو الشباب بالزواج ويصعبو عليهم بعدين البنت متزوجة برضى ابوها ويش يعني يتركها والسبب صندوق الزواج ابغيكم تشاركوني برآكم خواتي ومشكورين
نفس قصتي انا وريلي
بعد ما ملجنا قالولنا الصندوق مفلس اصبروا اشوووي واخرووونا تقريبا 7 شهوور اللين نزل قانون الرواتب الضعيفة وفي النهاية ما عطونا
احس انهم يدورون حجه بس عسب لا يعطووون
خل اخوووج يقولهم بدخل عليها عقب ما اتكمل 19 لوحابين
لان لازم عقب اييب لهم ورقة دخول من المحكمة
ويشووف شو بيقولوله
انزين الغاليه ليش انتو ما تعرفون هالشي لازم البنت يكون عمرها 18 على الاقل كنتو اجلتو شوي الموضوع
شو انسوي بعد كل شي صعبوه اليوم والحكمه الله العالم فيها رغم ان دولتنا الحمد الله دولة خير ما نقول إلا الله يعينكم ويعينا
مشكورات خواتي على المرور بس هم يوم قالوله 18 ماخبروه لازم تكون مخلصتنهن ما ادري يمكن مثل ماقالت اختي أم زيودي يدورون حجه عسب لا يعطونهم ويمكن يبون يجللون عدد المستفيدين المفروظ منهم يفهمون المتقدم بشروطهم عدل
خلاص من تكمل 18 سنة
يسير لهم ويراويهم الورقة
الله كريم
حياكم في عروضي التجارية في توقيعي