اشحالكن ؟
خواني انا لي خمس شهور معرسه بس ربي ما كتب احمل
سرت عند غزل قالتلي الرحم عندج مقللوب الصراحه روعتني
بس قريت عنه في النت وعرفت انه يستوي حمل تطمنت شوي ..
وبصراحه ما ارتحت لغزل حسيتها ماعرف كيف ما تطمن
وعقبها سرت لفوفو .. وااااايد ارتحتلها بس زحمه بشكل فضيع
فوفو قالتلي عندج شويه انقلاب في الرحم وها الشي عادي جدا لا تخافين
وعندج البويضات صغيره >.< .. الصراحه انا انصدمت ما عرفت شو اقول
حتى ما تخبرت كم حجمهن ولا قلتلها عطيني دواء ولا شي
بس قالتلي تعالي ايام الدوره وبشووف وخلي ريلج يفحص .. ريلي ما فحص ماطاع
من كم يوم ييتها بس كانت في اجازه وما بترد الا 29 هالشهر
ف قلت بسير مستشفى الواحه وبتم وياهم .. فـ اي دكتوره تنصحني اسير واتابع عندها؟؟
لا تقوللي اتريي الدكتوره فوفو لين ترد .. الصراحه مافيني صبر
اختي بالنسبه حق الرحم المجلوب لا زم تتمتسحين اعرف وايدات ترد النفس عندهن يوم يمتسحن
وبعدين مستشفا الواحه ما راححح يسويلج شي
انتي امتسحي اول
وتحياتي واذا تبين رقم مسيحه بعطيج
مع السلامه
فديتج مسحت عند شمسه البلوشي ثلاث مرات ورا بعض
مافادتني
بس صدقيني المساح وااااااااااااااااااايد زين
انتي ادعي ربج بعدج عروس عيل انا كملت 3 سنين اتعالج واخر شي تعالجت في مستشفا توم وحملت ولله الحمد الحين عندي 3 عبال
انا يوم عرست ما حملت لين 5 شهور تقريبا " وعقب سبحان الله ربي كتبلي وحملت والحمدلله
كثري من الاستغفار والدعاء ( ربي لا تذرني فردا " وانت خير الوارثين )
حد يحمل بسرعه وحد يتاخر شوي لان الوحده يوم تعرس تتغير عندها الهرمونات فالجسم
ومره سمعت الدكتوره تقول اذا تاخر الحمل من ثلاث شهور الى سنه يعتبر طبيييعي
بس اذا تاخر اكثر عن جيه لازم الوحده تروح تفحص … عشان تتطمن
وفي شي ثاني ابقولج اياه .. يوم بتسيرين عند الدكتوره سأليها عن فتره الاباضه وهي بتخبرج
لان في ايام محدده فكل شهر يصير فيها التلقيح بنسبه كبيره وهي الايام المناسبه للجماع
ان شاءالله اكون افدتج
وربي يرزقج بالذريه الصاحه ان شاءالله
بالنسبه لمستشفى الواحه انا افضل دكتورة شذا كويسه جدا وهتلاقيها بتفهمش كل حاجة بهدوء وان شاء الله ربنا يرزقك
واستانسي بهاي الأيام لا تفكرين في الحمل من الحين ..
وان شاء الله ربي يرزقج في هذه الليالي المباركة اللهم آمين …
بخصوص الرحم مقلوب ما عليج باااس 40 % من الحريم في العالم الرحم عندهن مقلوب ..
وأبداً ما يعيق الحمل عادي المشكلة موب في الرحم المقلوب ..
وبخصوص غزل أحسن شيء أنج ما استمريتي وياها .. لأنها من غير اسلوبها
راح تعطيج منشطات وايد ويمكن حالتج ما تحتاج ويمكن يأثر عليج بأثار سلبية ..
أما بخصوص فوفو طبعاً الكل يعترف بخبرته الطويلة ويمكن أرقى في الأسلوب .
بس مشكلتها ما تصارح وايد يعني أحسها متحفضة وايد وبخصوص فحص الزوج
ما راح تبدأ مع علاج الين ما يفحص زوجج وهذا الصح المفروض يفحص
يعني هي ما تقدر تجازف تعطي المريضة منشطات ومش متأكدة من حالة زوجها ..
فأنتي يمكن الحين تستحين تقولين لزوجج أو تلحين عليه فأنا أقولج تركي الموضوع شوي
وإذا حبيتي تبدين علاج مرة ثانية قولي له أنا مشكلتي أني ممكن أحتاج منشطات لتقوية البويضات عندي
وهاي المنشطات موب زينة في حالة لو كانت عندك مشكلة لا سمح الله ..
فهميه انه لازم يتعاون معاج في هذا الموضوع …
لازم الريايل تكون عندهم خلفية من ناحية العلاج غلط الحرمة تاخذ من هاي المنشطات كل شهر
وبالأخير يتبين أن الزوج عنده مشكلة ..
أختي نصيحة لا تاخذين أي منشط قبل فحص زوجج … بعض الدكتورات يعطن هالمنشطات بدون
ما يعرفن حالة الزوج شو هي وأولهن غزل ..
فأنصحج إذا ما استمريتي مع فوفو لا تغيرين الا عند الدكتور يمينه في مركز السلطان الي في السوق
أو الدكتورة غزوة في مستشفى الامارات الدولي …
سوري على المعلقة بس حبيت أنصحج من خلال تجربتي