بليز بنات انا محتاره ومالي عقب الله غيركم 
خواتي الوالده طلع عندها ماء ابيض في عينها ولا تشوف الا بعين وحده الحين لازم يشلونه عنها
بليز خواتي دلوني عن مستشفى متخصص ومضمون لهاي العمليات؟؟ سمعت عن مراكز الشريف في دبي وعن الأسباني في ابوظبي .. اتريا ردودكم خواتي لاني والله وايد افكر
فيه سؤال ثاني هل العمليه تتطلب مواعيد ونرد كمن مره المستشفى لانه امي كبيره ولا تقدر على سيرات دبي وايد
في ميزان حسناتكم ان شاء الله
النيرس ^الدماني^ بترد عليج !
لا وبتدعيلي بعد 
شوفي حبيبتي :
عندنا حرمة عوده في السن وكان عندها مشكلة في عيونها الثنينه (الماي الأبيض)
وطبعا محتاجة تسوي عملية كاتراكت (يعني تشيل الماي الأبيض)
فسوتها عند أحسن دكتور متخصص في هالعملية اسمه د هاني السكلا
هو دكتور في مستشفى دبي ، مصري قبطي دارس في أسبانيا
لكن المواعيد عنده فـُـل في المستشفى (بالشهور)
فترومين تودين الوالده في عيادته الخاصة
في جميرا ، اسمه مركز ابصار
وهذا تيلفونه : 043440122
والحمدالله في المرتين العملية نجحت
وكانت الحرمة مبسوطة بالنتيجة
فطرشت له ربيعتها اللي بعد تعاني من نفس المشكلة
لكن ربيعتها سوت العملية في بانكوك من قبل وفشلت
ويوم سارت وسوتها عند الدكتور هاني نجحت 
خذي موعد وياه بتودين الوالدة أول مرة حق الكشف
والمرة الثانية بتكون حق العملية
وعلى فكرة العملية بسيطة وما تاخذ أكثر من ربع ساعة
وبتنتظر في العيادة يمكن ساعة بيرد يكشف عليها وبتروح على طول
وأي استفسار ثاني
النيرس ^الدماني^ حاضرة
عمتيه الحمدلله سوت عيينها الثنتين وماشاء الله الحين تشوف منهن
مع ان عينها وحده القرنييية وايد تعبانه وكنا خايفين عليها بس الحمدلله طلعت بالسلامه