مستشفى الوصل ولا الحمريه

السلام عليكم
اشحالكم بنات
يارييييييييييت تساعدوني بنات
راسي قام يعورني من كثر ما افكر
أنا الحين بالشهر الثالث
ومحتاره ابي إربي بمستشفى الوصل ولا الحمريه
ياريت تقول ولي شو الأحسن
وانا من راك ….اتصلت استفسر اذا بربي عندهم قالولي لازم اطلع بطاقه صحيه مال دبي
ياريت اي حد وقولي وين أسير وشو الاوراق المطلوبة
وأبي اسأل ؟!!بمستشفى الحمريه يسون خياطه داخليه ولا بس من برع

ياررررررررريت تساعدوني بنات

ماعرف الحمريه

والوصل اوكي كل خواتي مربين فيه وماشتكو من شي

انزين كيف اطلع بطاقه صحيه تبع دبي وأي عياده اروح عشان يحولوني ع مستشفى الوصل
واقدر اخلص هذا كله فيوم واحد ولا يبالي أسير كذا مره

انا اللى اعرفه الحين مستشفي لطيفه مايقبلون اي حد برع دبي الا اذا عندج واسطه

بس تقدرين تربين بمستشفي دبي

روحي مستشفي راشد وسوي البطاقه بعدين روحي عياده القصيص بس احيد خواتي ياخذون موعد للعياده

اتمني البنات يساعدونج اكثر

لا عادي أنا اتصلت وساالتهم
بس ما فهمت عليها
قالت لي لازم اطلعت بطاقه صحيه
وبعدين أترو حي عياده القصيص عشان يحولوج عندنا

اسمه مستشفي دبي مب الحمريه
اي يسون خياطه داخليه عادي انا مربيه عندهم وسويت البطاقة روحي المستشفي عندهم بيسون لج البطاقة اذا كنتي مواطنه يبون صوره شخصيه وصوره من الجواز وخلاصه القيد و110درهم

أوك وشو تعاملهم
الممرضات والدكاتره
طيبات ؟!