▓ ▓ ▓ ▓ ▓ ▓ مستشفى الوصل منو منكم ربت فيه من فتره قصيره؟؟ ▓ ▓ ▓ ▓ ▓ ▓

سمعت أن الوحده اذا تبا دكتوره معينه تكون موجوده وياها وقت الولاده لازم تطلبها قبل…
أون لازم تسوي وياها عقد ؟؟انا بصراحه مب عارفه الموضوع بالضبط….
منو عندها خلفيه عن هالسالفه؟؟
و شكراااااا

إن شاء الله الخوات ايساعدونج

السلام عليج انا من فتره ربت عندهم النيرس الي اتولد بس لاسمح الله اذا تعبتي اتيج دكتوره بس الصراحه واااايد يهتمون انا امربيه قبل في الزهره بس الوصل اظمن ماشي فرق ربج الي يسهل

مشكورات خواتي…
وين الباقيااااات؟؟ يعني المنتدى ممزووووور ماشا الله……

انا بعد ابغي اعرف لني ان شاء الله بربي اهناك

احيد النيرس اللى تولد واذا لا سمح الله استعصيت الولاده ينادون ع الدكتوره بس اول مره اسمع الكلام اللى تقولينه

اذا اول ولاده اتييج الدكتوره واذا ثاني ولاده عادي النيرسات يولدنج عاد انتي وحظج ويا نيرساتهم على كثر ما يحاتن ويخافن من المسؤوليه على كثر ما يوترنج اانا والده عندهم من سنه وهالمره الاولى والاخيره