مسافره ميونيخ . help me!!!!!!!!! .

خواتي العزيزات …….والنشميات …….وخبيرات السفر…….!!!!!!!!!!!!
انا هالسنه مسافره ميونيخ .. خليجية

ولأول مره في رحله عائليه خليجية

ومتهوبه وايد…… (يعني خايفه ) خليجية

فياليت من الاخوات اللي ملمه بميونيخ تعطيني تفصيل كامل عن محلات الشوبينج الجيده واماكن الترفيه للصغار من ملاهي وحدائق حيوانات وغيره …الى جانب اسماء مطاعم عربيه وايرانيه ..ريلي يحب العيش وما يصبر عنه …….. خليجية

واللي عندها اضافات ثانيه لا تبخل عليه ,,,وفالها طيب بالصوغه … خليجية

هلا حبوبه ،

رحله موفقه وكان ودي افيدج بس للأسف ناسيه كل شي لأن اخر مره كنت هناك سنة 98 ،

انا بعد بسير هالصيف

هلا غناتي
انا سرت ميونخ اكثر من مره
ميونخ صغيره بتلاقين اغلب العرب في مناطق معينه
مثل الفنادق والاسواق والمستشفيات
عندهم مراكز حلوه مثل
مركز السوق اسمه مرين بلاتز
شارع كبير للمشاه
وفيه اغلب المراكز واهمها
كوفهوف Galeria kaufhof
وكرستات Karstadt
واتش اند ام H&M
والسي اند اي C&A وغيرها
وعندهم شارع الماكسميليان وهو شارع مشهور بالماركات الغاليه
يتفرع من شارع المرين بلاتز
وفيه مركز ريم حلو يبعد 20 دقيقه تقريباً عن المدينه
بس مشكلته ما تلاقين تاكسي يعني حاولي ترجعين بالقطار
او اطلبي تاكسي من الشركات
ومركز اولمبيك olympia zentuum
وللاطفال سيري العاب ليجو
والاولمبياد بارك مكان الالعاب مثل ملاهي متنقل
اما لو حبيتي الاكل الحلال من لحم ودجاج وغيره
اسألي عن شارع الاتراك خلف كوفهوف
وهالمكان ارخص من المراكز وعندهم اغلب الاكل العربي
وعندهم مطاعم عربيه من كباب وخبز عربي
وفيه مطاعم عربيه وتركيه وايرانيه موزعه في المنطقه
ولو سألتي الفنادق بيعطونج كتيبات بالعربي عن الاماكن اللي شرحتها
الاسواق والمناطق السياحيه والمطاعم بعناوينهم وارقام تلفوناتهم
وبعضهم يوصل طلبية الاكل للفندق بس تدفعين قيمة التاكسي
انا كنت ساكنه بالهيلتون بارك وعندهم هالكتيب
وفيه شي مهم لو عندج بطاقة واصل دقي هالرقم قبل اتصالج بالامارات
*111*
0097150
كملي رقم الموبايل
وبعدين #
وعلى العموم تاكسي المانيا فيه آمان اكثر من لندن وفرنسا
إن شاء الله تستفيدين من الرد
واي استفسار انا تحت امرج
.

الغلا بس حبيت اخبرج نقطة انا توني قبل 4 شهور رادة من ميونخ المنظقة هاي وايد حلوة بس غالية وايد بعد
التكاسي مالتهم وايد امان بس غاليين

وعندهم وايد اماكن سياحية هناك
1- الحديقة الانجليزية
2- ستي سنتر ( ها سوق كبير فيه وايد محلات وكل الماركات موجودة فيه)
3- اولومبيا بارك ( حديقة وايد عودة وداخلها بحيرة بط وصالة بولينغ)
كل ما اتذكرت شي بخبرج يا الغلا تراني احس روحي ناسية…

مشكورات خواتي ما قصرتن
انا بعد بسير هالصيف وبنكون 3 عوايل نبا شقق فندقية وتكون اسعارها معقولة وموقعها بعد زين ؟؟
وشو تنصحوني نشل عيش ولا بنلقى عندهم ؟؟؟؟؟؟؟ لان ابويه ما يستغني على الغدا عن العيش !وشو ممكن ناخذ بعد ؟؟؟؟؟؟

العيش موجود عندهم وبكل انواعه

اترك تعليقاً إلغاء الرد