انا ان شاء الله مسافره لدبي
واول مره اسافر لها والسفره بكون انا المسؤوله عنها من اولهالاخرها
وعندي بعض الاسئله
كيف اعرف المهرجانات لهذا الشهر او الفعاليات اللي بتصير في دبي فيه موقع يفيدني او اي شئ؟
بالنسبه لدبي مول وش اهم واحلى المحلاتاللي لازم اشتري منها ووش اشتري
انا مفكره ب كانديليشيز: -فور ايفر 21- بلومنقيز وش كمان ؟
وش المول الثاني اللي تنصحوني ازوره ووش ممكن اروح لمطاعم او محلات فيه
افكر باابن بطوطه – دبي اوتلت – امارات مول – فستفال ستي وش رايكم
وماهي واهم المناطق السيااحيه والمطاعم والكوفيهات ياخبيرات الامارات ؟
افكر اروح لمطعم ذا فارم – سمسم – زاروب – اكل امي – خان مرجان هاربوت التركي وش رايكم في هالمطاعم ووش ممكن اعدل واضيف
وبالنسبه للمناطق السياحيه افكر
ب الجي بي ار وشاطئ الجميره والممشى وش رايكم وشممكن اضيف لاني سمعت ان فيه مناطق سياحيه روعه بس مايعرفها الا اهل الامارات بس مايعرفونها السياح
وبس مشكورييين يااحلى منتدى ماصدقت اتفعل
ان شاءالله تين بالسلامة يارب
اول شي عن الفعاليات حاليا تقريبا مافي بس الين رمضان , بيكون ف رمضان فعاليات وبنفس الوقت بيفتحون مدينة مدهش
وتبين تفاصيل اكثر دشي على هالموقع
بالنسبة للمولات حلوين اللي ذكرتيهم وفي بعد مول حلو وكبير وتقريبا فيه كل المحلات اللي هو مردف سيتي سنتر مردف ( مب ديره )
اما دبي اوت ليت مول انا بالنسبه لي ما عجبني
وان شاءالله باجي الخوات يفيدونج اكثر
زوري المبزرة الخضراء في العين , منطقة تلال جميييييييييلة وفيها مسابح للحريم واخرى للرجال ,بمياه كبريتيه ساخنه شي جدا ممتاز, وتلاقين شاليهات اليوم ب700 غرفة وصالة ومطبخ
وكمان انصحك تزوري جبل حفيت في نفس منطقة المبزرة, صعود الجبل رااااااائع درب معبد للسيارات
وكمان حديقة الحيوان الي بالعين احلى من الي بدبي
وعندك المتحف المائي بالشارقة
وعندك سوق التنين بدبي
و في مول الإمارات لا تنسين تدخلين المنطقة الثلجية احلى ما في المول
وانصحك تحضرين بالسينما اي فيلم تحبينه عرض ثري دي
في ابوظبي جزيرة ياااااس فيها ايكيا و عالم فراري رووووووووووعه
وزوري النخله بدبي
ولا تنسين النافوره الراقصة في دبي مول يبدى العرض بعد المغرب , رقصة كل نص ساعه
اشيااااااااااااء حلوه كثيرة بالإمارات ما تخلص بصراحه , ما يكون الا من بيزاتك
وعليكم السلام.. حياج الله وبتنورينا..
بالنسبه للمهرجانات ف هالموقع ترومين تعرفين منهم المهرجانات https://www.dubaicalendar.ae/ar/secti…egory=festival
وبالنسبه لدبي مول في محلات وايد حلوه, مثل سيفورا , تشارلز & كيث وجيم وستون , ميلانو , غاليري لافاييت..
وانصج تسيرين فستفال ستي ومردف ستي سنتر وامارات مول ودبي اوتلت واذا بغيتي مكان ما يكون فيه زحمه وايد العربي سنتر
وبالنسبه لي احلى المطاعم :
– p.f chang’s في مردف ستي سنتر
– japengo في مردف ستي سنتر
– uno chicago grill في مردف ستي سنتر
– ruby tuesday في دبي مول
– ليلى من لبنان في مردف ستي سنتر
– باباروتي كافيه في دبي مول ومردف ستي سنتر والغرير
– paul café في مردف ستي سنتر
– كافيه نيرو في دبي مول
– شيك شاك في دبي مول
– switch في دبي مول
– cheesecake factory في دبي مول وامارات مول
– chocolate bar مردف ستي سنتر
-trader vic’s في فستفال ستي
ومن اهم المناطق السياحية في دبي :
– برج خليفه
– داون تاون دبي
– برج العرب
– جزيره النخله
– ممشى جميرا بيتش ريزدنس
– اكواريوم دبي وايس لاند ووايد وادي
– متحف دبي
– خور دبي
– حديقة الزهور بدبي
– جي بي ار
وبس
دخلت اشوف معالم دبى