مساعده من الامهات العاملاااات

السلام عليكم ورحمة الله وبركاته,,

خواتي انا اباكن تساعدني وتعطوني اقتراحات وحلول في مشكلتي ..

انا الله يسلمكن عندي بنت صغيره عمرها سنه وشهر وهي اول بيبي لي فديتها والمشكله يا خواتي انها متعلقتني وااايد ماتبا حد غيري وانا حاليا افكر كيف اقدر اخليها تتعود على الشغاله وعلى فكره انا بعيد عن امي يعني انا في اماره ثانيه غير عن بيت اهلي المهم خواتي اباها تتعود على الشغاله عشان الشغل مااعرف كيف اتصرف وهي يوم تبا ترقد اتم اتصيييييح والحل اني احطها على صدري لانها بعدها ترضع طبيعي مااعرف شو اسوي راسي عورني من التفكير واللي يعور القلب صياحها .. ساعدني الله يخليكن

بنتي اتعودت عالشغاله من عمرها 4 شهور الحمد لله …

حبيبتي ممكن تتعود عليها عادي..

يعني مثلا خليها تلاعبها وايد وتاكلها وانتي موجودة عشان تتطمن لها وماتخاف
وشوي شوي بتتعود .. بس حطي بالج من الشغاله ان ما تاذيها الغلا ..

الله يوفقج ان شاء الله ويخليلج بنتج

انا بصراحة اتم عند امي 3 ايام في الاسبوع ( دبي ) واخليها عندها
ويومين اخليها عند عمتي ( شارجة ) واتم هناك
يعني دومي مسافرة مني و مناك خخخخخ
والحمدلله مرتاحة

مشكورات خواتي اللي ردن عليه .. هي عادي تاكل من ايد الشغالة وتلاعبها بس المشكله وقت الرقاد .. بنوتي ماترقد الا على صدري … الله يعيني يارب مااعرف شو اسوي شو اشوفها تصيح وايد فديتها

الله يوفقج ان شاء الله ويخليلج بنتج