مساعدة لو سمحتن .

السلام عليكم خواتي
خواتي أنا ريلي بيسافر عنده دورة 3 شهور وهاي أول مرة بيسافر وبيبتعد عني..
فديتكن ساعدوني بأفكار أسويها له من تجهيز شنطته وغيره من هالسوالف..
أترياكن..

الله يرده لج بالسلامه ياارب

ترومين عقب ماتخلصين ترتيب الشنطه وخلاص بتبندينها
تحطينله بطاقه بيضه كاتبتله في كلمتين حلوين وعليها طبعه شفايفج اختاري لون روج حلو يا وردي يا احمر
وويها ورده طبيعيه حمرة
عشان من يوصل هناك اول مايفتح الشنطة يشوفها (سيدة بيتصلبج حتى لو كان تعبان)
ولا تخلينه يشوفج انتي تحطينها
……………………………………
ممكن تيبيين اوراق ملونه صغيييرة تكفي لكلمه او كلمتين
واكتبي فكل ورقه كلمه حلوة..مثلا احبك..مشتاقتلك
وحطي فجيب كل لبس..واختاري الجيب اللي بيستخدمه
عشان يوم يحط ايده يحس ورقه وييطلعها ويشوفها
…………..
بتعدي عن انج تحطين صورج لانه ممكن يكون يالس عند حد وهو مايدري انج حاطه صورة ويشوفون وايد بيتضايق

وبس
اتمنى اني اكون افدتج
وخبرينا النتايج ان جربتيها
انا ترا بعدني مخطوبه بس عندي افكار

عطري ثيابه بعطرج الخاص

وحطي له غرشة من عطرج عشان يتذكرج دايما

فوووق

مشكورات خواتي ع الأفكار الحلوة وأتريا الباجي…