بنات حبيت ان نحن عضوات المنتدى ننظم مسابقه اسبوعية لمكياج العيون منها نفيييد ونستفيييييييد .. وانا الصراحة على قد خبرتي احب استفيد من غيري واتعلم اشيا يديدة .. لان التغيير شي حلووو
أهداف المسابقه :
1- اكتشاف مواهب العضوات وتحسينها.
2-افادة البنات الي ما يعرفن بالمكياج.
3-الاستفادة من خبرات العضوات في وضع المكياج.
4-نوع من التسلية والفرفشة في القسم.
طريقة المسابقة :
في بداية كل اسبوع وهو يوم الاحد نحدد نوع المكياج الي بيتنافسون فيه العضوات (( مثلا نحدد لهالاسبوع المكياج الوردي )) ونحدد اذا نباه ثجيل ولا خفيف ..ويكون لكل عضوة 5 ايام عشان تاخذ راحتها .. تعرفون اختيار الالوان والتصوير ونقل الصور ومدة 5 ايام بتكون كافية ..
بكون انا محددة تاريخ البداية وتاريخ تسليم الصور ع الخاص عشان احطهم في موضوع واحد أو رد واحد .. فاذا كانت البداية من يوم الاحد يكون اااااااااخر يوم لارسال الصور يوم الخميس وبيكون التصويت لمدة يومين ويوم الاحد بنحدد الي بتفوز مع شروط الجولة الثانية .. ويحق لكل عضوة انها اطرش من 3 لـ 5 صور للعين لا اكثر .. مع مراعاة الاضاءة الجيدة والتصوير الواضح قدددددددر الامكان عشان ما نظغط ع البنات
واتريا ردودكم وتفاعلكم وياي واي استفسار انا حاااااااااظرة
وتسلمين
مب عشان أفوز يعني بس من باب المشاركة
فكرة حلوة بالتوفيق