خواتي أنا في مرحلة التصميم لبيتي، وعندي غرفة أريد الحمام فيها عزكم الله في مكان معيّن .. بس المشكلة الجهة اللي أريدها مافيها مجال عشان أركب دريشة ومروحة للحمام .. ففكرت في مروحة السقف اللي مثل الفنادق "اللي تطلع هوا بارد" 
حد عنده فكرة؟ أو اللي تعاملت ويا محل أدوات صحية مثلا مال مراوح وهالسوالف .. تعطيني اسم أو رقم لا هانكن الله
ومشكووراات حبيباتي .. ربي ييسر لكن بيوتكن ويجعلها عامرة يا رب 
بالنسبة للشفاط المركزي تراه ممتاز جماليا
ويتركب لو كمنب بتسوين تكييف بيتج دكت او مركزي…
لانه يكون له بيبات مال التهوية شرات مال المكيف..
كان خاطري فيهن بس ريلي غض النظر عن التكييف المركزي..
وبالنسبة لهن تراهن ينباع في شركات التكييف المركزي طبعا..
بس ما خبرتيني .. ليش غضيتو النظر عنهن؟ هل لفرق السعر أو صعوبة التكلفة والا شو بالضبط؟
ومنوو عنده فكرة عن أسعارهن وصيانتهن؟؟
مشكووراااات خواتي
اذا انتي ناويه تركبين التكييف السبلت المخفي راح تركب معاج
بس نصيحـ’ الحمام يبغى له نافذة مب بس للتهوية وانما أشعة الشمس تقتل الجراثيم بعد