شوفن انا محتاره وابغ ي شوركن فاتمنى منكم ماتبخلن عليه بالرد الصحيح والواااضح عن تجربه او معلومه صحيحه
انا عندي ولد في مدرسة مردف الخاصة مستواه وسط وحتى هالوسط احس انه من انجازي وياه
احس مدرسة مردف السنه هاي مره ما عندها اي انجاز بالعكس اشوفهم ماديين وايد
كانت الرسوم 12 الف فالسنه
للاصف الاول طبعا
طيب الحين هم بينتقلون للمدرسة اليديده ورفعوا الرسوووم ل 30000 الف درهم للصف الثاني
هل يعقل هذا
من 12 الى 30 الف
اعتقد هذا حرام
ماهمني الفلوس لا بس اللي همني ليش الاستغلال
مايسوا علينا يدفعونا حق المدرسة اليديده ولا نحن طالبين عيالنا يتعلمون تحت شجر ماعرف من وين ميوب او كيف انزرع
ويوم ييت اناقشهم قاللولي والله اذا ما تبغين خلاص طلعي ولدج
طيب انتو الحين ما سويتو انجاز لي ولا لولدي مستواه نفس الشي ما تغير
انااعرف ان في اهالي واااايد طلعو عيالهم منها بس عسب ارتفاع الرسوم .. وبعدين مدرسة مردف حتى مقبول ما حصلته فالتقييم مابين المدارس حصلت لا تصلح
مب بس علشان انها فله لا
لا استاف عدل للتدريس ولا تكنلوجيا عدله
وانا محتاره انقل الولد مدرسه ثانيه مع انه متعلق فهالمدرسه ومايبغي يغيرها
ولا اخليه ومااشوف اي تقدم
لان اكيد السنه اليايه بيكونون وايد مشغولين عن اليهال بتجهيزات المدرسة
والله مب عارفه شو اسوي
انقله ولا اخليه
وهل النقل الحين بياثر على مستواه للافضل ولا لا
وهل مدرسة الخليج الوطنيه زينه في تعليمها
ووين تنصحوني اوديه وتكون قريبه من هالمناطق يعني الراشديه المزهر او مردف
اتمنى تنصحوني بالصح
وجزاكن الله خير
مستوى المدرسة مقبول .. وادارتها جدا ممتازة
وبانتظار رااي الاخوات
اب
اب
الامريكيه العربيه وجرين وود وقبل ماتنقلين ولدج زوري المدرستين
والمدرسه محصله درجه الامتياز في التقييم…
والرسوم عندهم من اول الين ثالث ابتداا ئي بين 14 …16 الف درهم..
وما شاء الله يتابعون الطلااااب عدل وحتى اللي يكون ضعيف في الانجليزي مسويين برنامج اسمه ELL لتعليم اللغه الانجليزيه والتأسيس لها بالتنكثيف…يعني بدال ما ياخذون حصه الانجليزي ياخذون هذا البرنااامج…
وبعدين كل مدرسه لازم يطلع فيهااا عيب…<< واللي عليج انتي انج اتابعين ولدج وتشوفينه وتعرفين مستواه..
الحمد الله عيالي مستواهم ما شاء الله تبارك الله ممتاااااااااااااااااااااااااااااز…