السلام عليكم يمكن وايد من الأخوات يوم بيقرن موضوعي بينصدمن…
الله يسلمكم جرني القدر اني اتخصص ( لغة عربية تربيه اسلامية) ليس رغبه مني وانما بالاستخاره
في جامعتنا يركزون على طرق التدريس اكثر من المعرفه لأنها كلية تربية مو شريعه
المهم اني الحمدلله تخرجت وتوظفت صارلي سنه يعني جديده.
بس احس دايما أني جاهله في أمور الدين رغم اني اقرا وابحث
يعني حفظت جزء عم وتبارك ايام الجامعه ونسيته وكل ما ايي ابى احفظ شي من القران التهي بشغلي بزوجي وعيالي يعني ماعندي وقت اللهم للقراية بس ونادرا يوم يرقدون..وحافظه بس السور القصيره
اي مشكله في امور الدين ابحث عنها وافهمها حزتها بس ماتم في ذاكرتي يعني لو حد سالني ماعرف اجاوب…بالمختصر مخي مايخزن معرفه
شو الحل وكيف ممكن اثقف نفسي في امور الدين اكثر بكوني مدرسه
انا الحمدلله اقدر اوصل المنهج للتلاميذ بس هذا منهج انا اريد اكون ملمه باشياء كثيره
دايما يقولي ريلي ابلة دين ولا تعرفين شي..
انا ما اقصد الجهل ……أنا أقصد المعرفة الغزيره
بالأدعيه الدينيه وثوابها
جزاء كل سوره وفضلها
قصص الأنبياء بالتفصيل ومعجزاتهم
عيشة أهل القبور واهوال يوم القيامه
الله يسلمكم جرني القدر اني اتخصص ( لغة عربية تربيه اسلامية) ليس رغبه مني وانما بالاستخاره
في جامعتنا يركزون على طرق التدريس اكثر من المعرفه لأنها كلية تربية مو شريعه
المهم اني الحمدلله تخرجت وتوظفت صارلي سنه يعني جديده.
بس احس دايما أني جاهله في أمور الدين رغم اني اقرا وابحث
يعني حفظت جزء عم وتبارك ايام الجامعه ونسيته وكل ما ايي ابى احفظ شي من القران التهي بشغلي بزوجي وعيالي يعني ماعندي وقت اللهم للقراية بس ونادرا يوم يرقدون..وحافظه بس السور القصيره
اي مشكله في امور الدين ابحث عنها وافهمها حزتها بس ماتم في ذاكرتي يعني لو حد سالني ماعرف اجاوب…بالمختصر مخي مايخزن معرفه
شو الحل وكيف ممكن اثقف نفسي في امور الدين اكثر بكوني مدرسه
انا الحمدلله اقدر اوصل المنهج للتلاميذ بس هذا منهج انا اريد اكون ملمه باشياء كثيره
دايما يقولي ريلي ابلة دين ولا تعرفين شي..
انا ما اقصد الجهل ……أنا أقصد المعرفة الغزيره
بالأدعيه الدينيه وثوابها
جزاء كل سوره وفضلها
قصص الأنبياء بالتفصيل ومعجزاتهم
عيشة أهل القبور واهوال يوم القيامه
اتريا ردودكم
الله يعينا بعونه
الحين انتي كنتي تربيه تخصصين مب مركزه ع شريعه
غيرج تخصصهم شريعه ولايعرفون شي
الحين انتي كنتي تربيه تخصصين مب مركزه ع شريعه
غيرج تخصصهم شريعه ولايعرفون شي
غناتي اقري اقري ادخلي مواقع خذي كتب خلج على طول تقرين
القرااااءة هي باب المعرفه والعلم
بتكون عندج خلفيه في كل شي
حتى لو مب حافظه بس كل مواضيع عنده عنها فكرة عميقه
الله يزيدج من العلم النافع
وبارك الله فيج
اختي خيال شكرا على الرد الطيب
انا دايما ادخل النت عشان اقرا بس الاقي عمري انجر ورا اشياء مالها معنى
من مثل اكثر شي ادشه في هالمنتدى العلاقات العائليه
الديكور والاثاث والتجارب والحلول
السفر والسياحه
ويضيع وقتي جذي بدون قرايه
اروح المكتبات اشتري كتب عشان اقراهن اقرا اول صفحتين عقب يضيع هالكتاب بين رفوف الكتب
نفسي يكون عندي حصيله من ابيات الشعر عشان يوم اتكلم اضمن كلامي بابيات من شعر الحكمه
يوم اروي قصه استند لاكثر من حديث او قصة من السيره
كم اقرا وشو اقرا ومن وين ابتدي مب عارفه
انا دايما ادخل النت عشان اقرا بس الاقي عمري انجر ورا اشياء مالها معنى
من مثل اكثر شي ادشه في هالمنتدى العلاقات العائليه
الديكور والاثاث والتجارب والحلول
السفر والسياحه
ويضيع وقتي جذي بدون قرايه
اروح المكتبات اشتري كتب عشان اقراهن اقرا اول صفحتين عقب يضيع هالكتاب بين رفوف الكتب
نفسي يكون عندي حصيله من ابيات الشعر عشان يوم اتكلم اضمن كلامي بابيات من شعر الحكمه
يوم اروي قصه استند لاكثر من حديث او قصة من السيره
كم اقرا وشو اقرا ومن وين ابتدي مب عارفه
اختي ريامي دبي اول شيء لازم تنوين نيه لله تعالى ان اي معلومه توصلينها سواء للطالبات او عيالج او أياً كان تكون خالصة لله تعالى وتكون نيتج تحصلين اجر وتفيدين غيرج في دينه فإذا اخلصتي النيه لله تعالى والدعاء بذلك فإن الله تعالى سيسهل امورج ومع كثرة الاطلاع والقراءة وتكرار ذلك فلن تجدي صعوبة في النسيان بإذنه تعالى
ولو احتجتي اي مساعدة راسليني على الخاص لأنه نفس تخصصي
ولو احتجتي اي مساعدة راسليني على الخاص لأنه نفس تخصصي
اختيه انتي توج سنه اولى اتريي شوي مع الايام بتزيد خبرتج في امور الدين وحاولي تثقفين نفسج بالقرايه
وحاولي تحفظين القرآن او خلي ربيعتج اللي وايد وياها مثلا اتساعدج في الحفظ تحفظون مع بعض واتسمعون لبعض..وتفسرون الايات مع بعض..لان العلم كله في القرآن الكريم ..ولا تظغطين على روحج شوي شوي..وبتشوفين عمرج صاحبه خبرة..ان شاءالله
وحاولي تحفظين القرآن او خلي ربيعتج اللي وايد وياها مثلا اتساعدج في الحفظ تحفظون مع بعض واتسمعون لبعض..وتفسرون الايات مع بعض..لان العلم كله في القرآن الكريم ..ولا تظغطين على روحج شوي شوي..وبتشوفين عمرج صاحبه خبرة..ان شاءالله
مشكورات حبايبي على ردودكم اللي اثلجت صدري……
وان شاء الله نكون في طريق العلم دائما أنا وانتم…….
وان شاء الله نكون في طريق العلم دائما أنا وانتم…….
هذي نفس مشكلتي اول ما تعينت انا تخرجت من جامعة عجمان للعلوم والتكنلوجيا تخصص لغة عربية تربية اسلامية يعني نفس تخصصج حسيت نفسي فاشلة ومااستحق ادرس وماعندي معلومات بعدين تنبهت عنفسي اني قاعده ابث شحنات سلبية حق شخصيتي وقدراتي فتوقفت وبديت
1. في البداية التوكل ع الله ودوم
2.ادعي بهذه الادعية وابدا حصتي بها ايضا عشان اعلمها لطالباتي(اللهم علمنا ما ينفعنا وانفعنا بما علمتنا /اللهم اجعلني في عيني صغيرا وفي اعين الناس كبيرا)
3. وبعدين بديت اكرر عبارة (انا ممتازة في وظيفتي) واكتبها كل يوم 21مرة قبل النوم
4. سويتلي دفتر صغير اي معلومة اعرفها واحس انها تخصني اكتبها وتاكد منها من مصادرها
5. قبل ما اشرح الدرس امسك الدرس وحضره بشكل خاص يعني اقرا كل فقرة وحط عليها اسئلة الي اتوقع انه الطالب بيسالني اياهن وبجيه بتضطرين انج ترجعين لمراجع مثل كتب الجامعة والنت
6. ونصيحتي لج دوم في دروسج استشهدي بآية قرانية وبحديث وببيت من الشعر وبمقولة لأحد رجالات الدولة وبعدين اربطي لموقف بالبيت ممكن تستشهدين بالحكم والامثال الشعبية ايضا من باب التنويع.
7. وفضائل بعض السور ولادعية الماثورة وقصص الانبياء الي ذكرتيهن بتحصلينهن في كتيبات صغيرة في المكتبة لخصيهن يعني كمعلومات سؤال وجواب في الدفتر الكشكول الي قلتلج عنه.
والله يوفقج واذا احتجتي اي شي انا حاضرة في اي وقت
انا مدرسة لغة عربية بس امزج دائما في حصصي بالتربية الاسلامية
1. في البداية التوكل ع الله ودوم
2.ادعي بهذه الادعية وابدا حصتي بها ايضا عشان اعلمها لطالباتي(اللهم علمنا ما ينفعنا وانفعنا بما علمتنا /اللهم اجعلني في عيني صغيرا وفي اعين الناس كبيرا)
3. وبعدين بديت اكرر عبارة (انا ممتازة في وظيفتي) واكتبها كل يوم 21مرة قبل النوم
4. سويتلي دفتر صغير اي معلومة اعرفها واحس انها تخصني اكتبها وتاكد منها من مصادرها
5. قبل ما اشرح الدرس امسك الدرس وحضره بشكل خاص يعني اقرا كل فقرة وحط عليها اسئلة الي اتوقع انه الطالب بيسالني اياهن وبجيه بتضطرين انج ترجعين لمراجع مثل كتب الجامعة والنت
6. ونصيحتي لج دوم في دروسج استشهدي بآية قرانية وبحديث وببيت من الشعر وبمقولة لأحد رجالات الدولة وبعدين اربطي لموقف بالبيت ممكن تستشهدين بالحكم والامثال الشعبية ايضا من باب التنويع.
7. وفضائل بعض السور ولادعية الماثورة وقصص الانبياء الي ذكرتيهن بتحصلينهن في كتيبات صغيرة في المكتبة لخصيهن يعني كمعلومات سؤال وجواب في الدفتر الكشكول الي قلتلج عنه.
والله يوفقج واذا احتجتي اي شي انا حاضرة في اي وقت
انا مدرسة لغة عربية بس امزج دائما في حصصي بالتربية الاسلامية