وبالنسبة للنشاطات وخاصة للاعمار الصغيرة جي جي وصف اول
من ناحيه اللغه الانجليزيه و العربيه والقرآن بعد ^^
بس أنا ما حبيتها بصراحه لأنه شكل المدرسه ما يشجع رحتها يوم كنت اودي ولدي اولا انقرفت من الزحمه مش طبيعيه ابداااااااا … اذا بتخلينهم يسيرون في الباص ارحم و احسن ^^
و بعدين كل الجنسيات فيها عرب وهنود وأجانب وو و و …. كلها مكس وهالشي ما حبيته لاني ما ابغي ولدي يختلط ويا كل هالجنسيات في بدايه حياته علشان ما يتعلم لي عاداتهم ^^
بس عموما التدريس ممتاااااز و فعلا ربيعتي اللي متخرجه من هالمدرسه ممتااازه مع انها هنديه ترى ^^
بس في اللغه العربيه ممتاااااازه ^^
هذا تلخيص للي قالوه الخوات عن المدرسه في المنتدى و ان شاءالله يفيدج يارب.
– مدرسة الأنصار العالمية
قيل عنها: عيالي في الانصار العالمية الصراحة المدرسة ما عليها كلام اهتمام بالدين الاسلامي والقران والسنة ومنهجهم بريطاني المدرسة تخرج الطالب حافظ القران كامل والاحاديث + الثانوية الحكومية + البريطانية .
انا بنتى عندهم من الكي جي والحين صف اول ماشاء الله تعرف تقرا عربي + انجليزي والمدرسة فيها من كل الجاليات ماليزيين وجنوب افريقيا وامريكان وبريطانين وهنود وايرانين وطبعا جميع الدول العربية بس كلهم مسلمين .والمدرسين اجانب بس مسلمين الى دخلو الاسلام وحلو في المدرسة انهم كل سنة يحتفلون بيوم الشعوب ويتعرفون الطلاب على كل الجاليات الى موجودة ويشوفون الاسلام لين وين وصل …. بس مشكلة المدرسة شي واحد ان مبناهم صغير بس السنة الياية بينتقلون مدرسة جديدة في القراين عندهم من الروضة الى قريد 12 …..
و ان شاءالله البنات يقولون لج زود , و بالنسبة لانتقالهم للمبنى اليديد ما ادري عنه اذا انتقلوا ولا لأ.