موضوعي اليوم عن مدارس الشراكه والتخبط اللي يعانون منه ابنائنا الطلبه …..
بدخل بالموضوع على طول ولدي بالصف الرابع وللحين يدرس مادة العلوم من اورق عمل
تطبعها المدرسه لهم من الانتر نت ……..ومنهج العام اللي فات مركون بالبيت ومادة
الرياضيات نفس الشي ……….والأدهى والأمر انه بالغه الانجليزيه ………. رحت يوم
الخميس لتفاهم مع مدرسة الماده حتى تشرح لي طريقة لتدريس ولدي بالبيت ..دخلت
الاداره وسألت عن مدرسة العلوم ..فقالت لي احدى الاداريات اانى مدرسات العلوم كلهم بالوزاره
عشان المنهج …….زين بيغيرونه ولا نفس منهج العام ؟؟ ردت ما ندري تلعوزنا ويى الشراكه !!!!!!!!!!! قلت لها ليش ما تعترضون على اللي يصير ؟؟
قالت لي التربويين مايقدرون يعترضون !!! والمشكله انى اولياء الامور ساكتييييين ولاحد اعترض ؟؟؟!!!!!!!!
رديت عليها انا اول المعترضين
ردت : روحي اشتكي بالوزاره !!
الحين من المسؤول عن اللي يصير حرام الطلبه الحمل عليهم كبييير …..انا مب ضد تطوير المناهج بالعكس ………بس المفروض يبدون بالمراحل الاولى من الروضه وبعدين الصفوف الاولى .. اما اللي ما لحقوا على التطوير ممكن يكثفون لهم الغه الانجليزيه
والله كل هدفي عيالنا واللي يصير معاهم حرام نحطم ونهدم جيل كامل المشكله انى البعض يفهم اني ضد التطور اللي يقولون عنه !!!!!!!!!!
عزيزاتي:
ارئكن تهمني واتمنى مايكون موضوعي مجرد موضوع بالمنتدى فأنا ابحث عن حل جدي لهذه المشكله .
لانة الضحية الطلاب.. احس انه العلمية التعليمية صارت تتمركز حول اللغة الانجليزية.. صار التركيز على اللغة مع اهمال المحتوى العلمي
الكل متحامل على المعلمين وعلى انهم يرفضون عملية التطوير .. عيشوا معنا في الميدان وشوفوا شو المرفوض وشو المقبول من قبل المعلمين واكيد فيه اسباب
فيه طالبات بالصف الرابع والخامس مستواهم ما يوصل لاساسيات الصف الاول وحصلوا على نجاح ليش الشركة تبي جذي ؟؟؟
احنا يا معلمين نقدر نتكلم ونشتكي بس كله راح يروح في الهوا ليش لانه
بيردون على جملة وحدة "انتم ترفضون التطور" لكن لما يجي الكلام من اولياء الامور
الوضع يختلف .. ودنا نربي اجيال تقدر تكمل مسيرة بناء هالوطن مب العكس
وربنا مع الجميع
بس اللي يقهر سكوت اولياء الامور ………وبعدين ليش التركيز على الغه الانجليزيه والله اللي احسه لما يصير مجلس امهات انى ولاشي وكأنى متخلفييين وهم اللي بيطورونا هذا الواقع وحرام نكذب على اعمارنا
اذا مدارس الغد انا معاهم ربيعتي ادرس هناك جريد ون و تقولي التدريس روعة و يفتح النفس .. وفية مراعة للمعلم بشكل كبير موفريلهم كل شي.. وماعندهم مناهج و كتب مثل الحكومية اليهال يخلون اغلب الكتب في المدرسة .. انا اشوف انة توجهة الوزارة اليديد يبشر بالخير بس اي شي يديد لازم يكون علية اعتراض بس مع الايام الناس بيتقبلونة
خليها لربكم ذبحونا هي السنة
حتى المدرسة تقلي هم مو راضين اصلا
الله يكون في العون يارب