مباارك عليكم الشهر
شلونكم وشخباركم بنات عسى ربي يعوده علينا وعليكم ويتقبل صيامنا
وقيامنا وسائر اعمالنا
انا واهلي راح نجي دبي في نص رمضان
وكل تركيزنا على العبي والعطور نبي نجهز لاختي عروس
ممكن اذا ماعليكم امر نبي محلات عبي لمواطنات مثل m&a
ممكن تذكرون لي من ذوقكم وخبرتكم وتعطوني الافضل
وبعد محلات العطور ابي مثل هندللعود وانفاسك دخون شنووو في غيره مميز
الله يوفقكم ويفتحها بويهكم يارب
شوفي عزيزتي ..عندج سنتر المردف ..فيه اكثر محلات العود والعطور
انا انصحج بمحل ياس للعطور والعود ..خاصة دخون ياس وبعد عندهم العود ودهن العود وانتي وذوقج
عندج عبد الصمد القرشي ..عود الملكي روووعه
عندج محل فيكتوريا سكرت ..هالمحل عطوراته واللوشناته فواحه على فواكه ..انصحج فيه
وبشوفين واايد محلات عطور ..شوفي وتنقي
لكن عزيزتي سالفه العبي ..هذي صعبه ..لان التفصيل يحتاج له شهر وشهرين لين تزهب الطلبيه ..لا اذا بغيتي جاهز وانا ما انصحج فيه لان الغالب مب حلو ..
وعندج في دبي واااايد سناتر مول دبي ..هذا مجمع سناتر من كبره ..وبن بطوطه بعد وااايد عود
بما اني من امارة الشارقه ..محلات هند للعود وانفاسك دخون متواجدين في سنتر ميغا مول
بس ما شاء الله ذويقه باختيار العطور
وانا دوووم اشتري منهم ..انصحج بعطر شي شي من انفاسك دخون اخذيه مع الدخون راح تدعين لي
على فكره عطورات هند معطمها ما تقل عند 700 درهم ..لكن تستاهل قيمتها
وعطورات انفاسك دخون ما تقل عن 250 درهم
والمحلين في الطابق الثاني من ميغا مول
ربي يحفظكم في ديرتكم الامارات
اي احنا بنفصل عادي مو مستعجلين العرس بعد ٣ اشهر
بس نبي اماكن كشخه ومميزة
عندج مصممة العبي مها خان
ودار الوعد بالشارجة وميسون الأميري وأبتسام الدرمكي
عندج لميآء عآبدييين في دبي مول !!
يمكن بيعجبج شي !!
بس نحن عدنآ آكثر آلمصممآت لآزم تروحين عندهآ في آلبيت
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .