عندي استفسار يريت تردون علي لاني محتاره ,,
شو رايكم في محل (الرهونجي للبطاقات والكوش ),, الي في دبي ف بوهيل ,,
انا ارتحتلهم وايد واخترت كوشه وايد عيبتني بس طبعا للحين مادفعت لاني قلت بستخير وجيه ,,
وسويت سيرج ماطلعتلي معلومات عنهم وايد الا ثنتين ذموهم وقالوا مايسون شرات الصور وهالكلام كان من 2024 ,,
وشيخه مغاور الي مجربتنها يريت تقولي شو اسعارها ؟
ومحل زين في الشارجه ,, مجربينه ولا ؟
وبون بون رحتلهم بس كل شي كان مكرر ماعندهم وايد خيارات ,,
يريت تساعدوني بنات عرسي قريب ^_^
–
اللهم أنت ربي .. لا إله إلا [ أنــــت ]
خلقتني وأنا [ عــبــدك ].. وأنا على عهدك ووعدك ما استطعت ..
أعوذ بك من شر ما صنعت .. وأبوء لك بنعمتك علي ..
وأبوء بذنبي .. فأغفر [ لـــي ] ..
فإنه لا يغفر الذنوب إلا [ أنــــــت ] ..
بالنسبة لمحلات الكوش في بوهيل ابدا ما انصحج لانهم يراووونج شي و يسوون لج شي ثااني
و بالنسبة لشيخة المغوار افكارها روعة و لكنها تمشي على حسب القاعة و افكارها يديدة و لكن اسعارها الصراحة مبالغ فيها و كل ما ناقشتيها انها انتزل بالسعر اتنقص لج من الاكسسوارات و الورود و غيره و هذا غير انها تمشي بالمواعيد يعني قبل لا اتسيرين و تتعنين اتصلي ابهم عشان تاخذين لج موعد و اسم المحل Tebru تبرُ في الشارجة
و انا انصحج اتسيرين عند الحلــــــم في الشارجة خلف الاتصالات الصراحة المشرف على الشغل اسمه جهاد و بيساعدج لاخر لحظة و افكاره فكتورية و بيراويج شغل مرتب و ممكن يراعيج في السعر
و انا بعد عرسي قرب و مب عارفة اي فرقة اختار .,.,.,
و السموحة اختي على الاطالة
و الله يتمم لج على خير و يسعدج ان شالله 
المشاركة الأصلية كتبت بواسطة 3osh 
بالنسبة لمحلات الكوش في بوهيل ابدا ما انصحج لانهم يراووونج شي و يسوون لج شي ثااني
و بالنسبة لشيخة المغوار افكارها روعة و لكنها تمشي على حسب القاعة و افكارها يديدة و لكن اسعارها الصراحة مبالغ فيها و كل ما ناقشتيها انها انتزل بالسعر اتنقص لج من الاكسسوارات و الورود و غيره و هذا غير انها تمشي بالمواعيد يعني قبل لا اتسيرين و تتعنين اتصلي ابهم عشان تاخذين لج موعد و اسم المحل Tebru تبرُ في الشارجة
و انا انصحج اتسيرين عند الحلــــــم في الشارجة خلف الاتصالات الصراحة المشرف على الشغل اسمه جهاد و بيساعدج لاخر لحظة و افكاره فكتورية و بيراويج شغل مرتب و ممكن يراعيج في السعر
و انا بعد عرسي قرب و مب عارفة اي فرقة اختار .,.,.,
و السموحة اختي على الاطالة
و الله يتمم لج على خير و يسعدج ان شالله
انا بعد مارتحت للمحلات الي ف بوهيل ابدا ,, الصور كلها مكرره ف كل محل يقهرون ولاني انا مسويه سيرج كامل ومسيفه صور كل الكوش فالنت وشفتهم كلهم عندهم
مشكوووووووره حبيبتي
والله يتمم لج على خير