محتاره وين اسافر ممكن تخبروني بالأفضل

بنات انا وريلي ناويين نسافر ومحتارين وين نسير حطينا ثلاث دول ممكن نسير لها وهي ماليزيا .. لندن .. تركيا … انتوا برايكم شو الافضل من ناحية المناظر الطبيعيه والجو … وطبعا بنسافر على بداية شهر 5 .. وبنودي عيالنا الصغار عندنا .. وابي اعرف كم ممكن يكلفنا في سفرتنا لكل الدول اللي ذكرتها من التذاكر والحجوزات في الفنادق والمشتريات … ؟؟ وشو احسن الفنادق في هذي الدول *5* ؟؟

ولو عندكم دول ثانيه احلى ممكن تذكرونها لي ؟؟؟؟؟؟؟..

كل هالأماكن حلوه..

انا ماليزيا سايرة الصيف اللي طاف وسرت سنغافورة 3 ايام… حلوه… وامي حبتها… والتسوق فيها حلو

تركيا سرتليها من سنة ونص.. بس انا كنت سايرة بالشتا… كانت باردة… بس حلوه وانا حبيتها وابا اودي امي لأنها متحمسة تبا تسيرها..

لندن سرتها كم مرة… بصراحة حلوه وما ينمل منها لأنه فيها عرب واي شي تبينه تحصلينه.. بس كمعيشة فندق وتذاكر اغلى من ماليزيا وتركيا…

بس من حيث الميزانية… يمكن تكون ماليزيا وتركيا ارخص من لندن…

تبين مناظر وطبيعة ماليزيا وتركيا… لندن حلوه… بس اذا بتطلعين برع لندن ممكن…

انا اختار بدون تردد ماليزيا
اولا:رخيصة
ثانيا:شعبها طيب وااايد
ثالثا:في تايمز سكوير في ماليزيا هو فندق وفي العاب داخلية اكبر العاب داخلية في الشرق الاوسط
رابعا:اذا تبين مناظر حلوة في اماكن في مناظر حلوة
اسمعي نصيحتي انا سرت لماليزيا سنتين وياي عيال

شكرا لكم خواتي على ردودكم وان شاء الله بشوف الانسب لي من كل ناحيه .. وان شاء الله ارسى على بر خلال هالايام
بس ما قلتوا لي شو هي الفنادق الممتازه مع اسعارها .؟؟

كتبت وايد عن تركيا بس اختفى الكلام …. وما فيني اعيده …. سامحيني

بس تركيا حلوة

وانا ان شاء الله الوجهه القادمه ماليزياااااااااااااا

وانصحج تدخلين منتدى المسافرين العرب
ومنتدى سفاري

شكرا حبوبه

انا سرت ماليزيا بس مافكر اردلها ماعجبتني تلدغت وانتفخ ويهي كلها لدغ سرت فيها 3 مناطق جنتق وسن وي لقون و كوللبور وسكنا في المندرين تركيا ماسرت وانا في لندن حاليا حلووه بس غاليه بس انا احب السوق فالندن حق مشاري تجنن وبتحصلين العرب كلهم وحق سوالف وقعدات في الهايد بارك والفوايل ههههههههههه انا ماسرت تركيا بس ربيعتيه سارت اتقول جنه وارخص