محتاره وين اسافر بالصيف باريس ولا لندن؟

ما ادري كيف ابدا كلامي
الحمدلله رب العالمين ………….. يالله من فضلك بس

والله ما ادري شو بلاني بهاي الدنيا والله يمر علي يوم مرتاحه فيه صدقوني يووووووووووووم بس

كل يوم مصيبه ولا بليه ولا تعبت وملييييييييييييييييييييييييييييت من هاي الدنيا

والله ما ادري شو مسويه بحياتي عشان ربي يجازيني بهاي الطريقه

كل ساعه كل دقيقه كل ثانيه احصل مصيبه ولا هم يجدد والله ماتصدقون شاب شعر راسي خلاص

يالله تقولون لي اقري البقره واستغفري يالله هذا الي اسويه طول اليوم
بس حياتي مافيها شي تغير كله مصايب مصايب مصايب

والله مليت تعبت

صرت احسد الميت على موته عفانا الله

لاحول ولاقوة الا بالله

فوق مصايبي وحده مميييييييييييييييييييييييته والله الي يحكمون عليه بسجن انفرادي نفس الشي ..

انا عانس عمري 33 والله المصايب ما تتركني دقيقه واقسم بالله العظيم
اه بس شو اسوي تعبت والله مليييييييييييييييييييييييييييييييييييييييت زهقت

الصيف ياي والله من تعب وبهدله الشغل والمشاكل الي ماتخلص قلت برتاح بين اهلي بالصيف
مب لازم اسافر مثل الناس
واصلا انا ماعندي فلس مبتليه بفلوسي تقولون مال حرام تقولون عندي شي ولا العب بالفلوس حرام السوق ما اشوفه الا 6 شهور مره وراتبي زين وين يروح ما ادري

لاتقولون لي طلعي صدقه تراني وربي ما اقصر ومع كل محتاج

اللحين هلي الي بيسافر والي بتمسك ريلها وبتسافر والي بيمسك زوجته وبيسافر
و انا بين اربع طوف طوووووووووول الشهور الصيف

ماعندي صديقات عشان تعرفون ولااااااااااااااا صديقه

ولاا احد متفيج لي لو قلت لهم بسافر معاكم كل واحد يحط لي مليون عذر عشان لا اروح معاهم مكان

يالله شو مسويه انا بحياتي
تعبت والله يالسه بين 4 اطوف ما اشوف احد

مللللللللللللللللللللللل ياربي شو اسوي تعبت بتينن بين اربع اطوف وبين مصايبي وهمومي مااعرف شو بسوي بهاي الفتره
مراكز صيفيه ماعنا بمنطقتنا حتى لو فيه مللل ولافيه برامج مثل الناس

تعبت من الشكوى ولا ينفع شي ولا يفيد شو ذنبي بهاي الدنيا مشاكلي ماتنحل كلما افرح شوي والله ما اقص عليكم تيني بعدها مصييييييييييييييييييييييييييبه ما اكبرها

والله ما اقص عليكم سنييييييييييييييييييني وانا على هالحال غير مصايبي الثانيه

يعني الواحد يبتلي ومصيبه على مصيبه ووحده وفقر والله تعبت

حتى خلاص شلت من بالي موضوع زواج
لاني اعرف عمري ما توفقت بشي عشان اتوفق بزواج
وانا اللحين صار لي سنيييييييييييييييييييييييين بعد طلاقي قبل الدخله ما احد دق بابي لو بالغلط
والمرات الي صار فيها خطبه مرتين وطاروا مثل الحلم وما الحق افرح بالموضوع اصلا

خبروني شو اسوي يزاكم الله خير

ياربييي …

حاسة بمعاناتج والله … عشت كل حرف كتبتيه بقلبج قبل لا تكتبه ايدينج

يالغالية …

اذا كان شي في هالدنيا تبينه وتتمنيينه وما تحققلج قولي الحممممممممدلله ترااه خيرة من ربج

اذا السفرة اللي حلمتيبها حد خرب علييج وطلعلج مليوون عذر وحجة عسبت ما تروحيين وياه لازم اتعرفيين انه الله يحبج وما يبااج تروحيين

أي شي تتمنينه وما يتحققلج بس كل اللي علييج تقولين الحمدلله الحمدلله ها دلييل على انه الله يحبج بإذنه ورحمته ويباا يحفظج

نصيحة من أخت محبة …

خلج مع ربج ترى ماشي أريح من قربه ومن طاعته ومن كلامج اشووف انج ما شاء الله قوية وصابرة

وأوصيج من كل قلبي بالاستغفار وسورة البقرة وقيام الليل في الثلث الاخير

واذا تامريين ع شي يالغالية ترانيه حاضرة وبالشوفة

الله يعينج حياتي وشو يعني عمرج 33 عانس؟؟؟؟؟ لاتفكري في هالشي حبوبه ولاتقنطي من رحمه الله بالعكس انتي مرتاحه اكثر عن غيرج وبأيدج تغيري روتين حياتج الغاليه

الله يفرجها عليج

اختي استهدي بالله ورددي : اللهم أجرني في مصيبتي واخلف لي خيرا منها

حبيبتي الحزن والهم مكتوب في حياة الانسان .. مهما ربج ابتلاج من مصايب هذا كله خير
ليش تحسدين الميت في قبرة …؟ مشوار العمر ما خلص الميت الي تحت التراب هني بدا مصيره
الدنيا ما هي الا باب للآخرة .. غيرج يتمنى يرجع للدنيا عشان يحصل فرصة بس يسبح ويستغفر
خلي هدفج آخرتج مهما واجهتي في حياتج ترا ربج يحبج .. اذا ابتلاج يعني يحبج ! هذا والله اكبر مواساة لج
اصبري واحتسبي (( إن مع العسر يسرا ))
لو خيروج بين انج تفقدين بصرج ولا الزواج شو بتختارين ؟
والله انتي بنعم كبيــــــــــــــــــــــرة .. دايما التفتي للجانب المشرق في حياتج
الله انعم عليج بالصحة .. البيت .. المأوى .. المأكل … عندج عايلة …
غيرج مبتلي بأمراض مب قادر يعيش حياته طبيعي
غيرج يعيش متشرد لا اهل ولا مال ولا مأوى
قـــــــــــــــولي الحمدلله على كل حال .. ربي لطيف بعبادة .. رحيم .. لا تظنين ان الشقا مكتوب بحياتج ليش !
تعوذي من الشيطان وقومي صلي ركعتين ..
الله يفرجها بإذن الله ..

يختي من قال اني طلقني بليلة الدخله لووووووووووووووول قمت اضحك من همي

يختي طلقني قبل الدخله يعني كنت مالجه بعدني يعني انفصلت بالملجه