محتارة وما اعرف شو اقول ارجوكم ساعدني تعبت من التفكير

السلام عليكم خواتي اولا انا اول مرة اكتب بهذا القسم وعقب تفكير وتعب يلا كتبت قلت خالص مالي غير خواتي يساعدوني ويعطوني رايهم واشوف الاغلبية شو يقولون وبعدها اقرر السالفة ومافيها ان عندي اخو ريلي زوجته من فترة شاكة فيها وشوي شوي زاد شكي الحين تقولون شلون الله يسلمكم كل يوم ها ركزوا على هالكلمة كل يوم تطرش بطايق تلفون من الدكان ويكون اقل شي 50 درهم يعني كله تيب مال 100 200 اقل شي 50 المهم والوقت يكون يوم يطلع ريلها من البيت تطرش الخدامة تسير الدكان وكم مرة انا شفته تسكر باب الغرفة وتتكلم بس مااقدر اقوله ليش تسكرين الباب تقول انتي شلج المهم يوم تيب البطايق سيدا تدخا الغرفة وتسكر الباب عليها والحين انا متاكدة تكلم حد يعني ريال لان بعد العرس صارت مشاكل هي وريلها بعدين هي خبرتني ان كانت تحب واحد وكانوا اهلها اللي رفضوه وقالتلي ان هو برا البلاد عشان جي يمكن تاخذ بطايق وايد لان خارجي هذا اللي فهمته الحين ابا اخذ رايكم اخبر ريلها ول لا اقول حرام ولا انتوا شو تقولون انا مقهورة لان طيب ومايستاهل كل شي مسويلها واشوفه كيف قلبي يعورني ارجوكم لاتستهينون بالمشكلة شوروا علي شو اخبره ول لا محتارة والقهر ذابحني اشوفه تضحك عليه ارجوكم قولولي شو اسوي

انتي بعدج مب متاكده
انصحج تخلينهم وماتدخلين
يمكن شكج يطلع غلط يمكن باجر ينصلح حالها
خاصه توهم مزوجين وفبداية حياتهم
يمكن اتوب وتحب ريلها
وهذا كله لا تنسين انج تشكين وماعندج دليل
وانصحج شكوكج تخلينها في راسج
لا تشاركين احد فيها

ونصيحة ابعد عن الشر وغنيله

الستر زين

ما حد يعلم باللي في القلوب غير رب العالمين

اختي لا تسوي شيء ما تعرفي عواقبه

فكري وفكري اكثر بالموضوع

حسبي الله ونعم الوكيل صج حريم اخر الزمن موقفج صعب بس اللي اقدر اقوله لج انج تصبري لين ما تحصلين دليل قاطع يدينها بعدها اتكلمين اخاف تخبرين احد الحينه والسالفه اطيح على راسج او انج تخبرين زوجج مثلا بس غير مباشر يعني جي سوالف وييبي طاري الكروت يعني من دون ما تتهميها او انج تخبرين زوجج بكل شي وسالفة اللي تحبه وهو بيتصرف يعني تكون السالفه بين الرياييل وانتي خلج بعيده والله يهديها يا رب

الغلا إن بعد الظن إثم ،،،

يمكن شكج ما يكون في محله ،،، طيب هي تطلب بطايق واايد ،،، وتصك الغرفه ما قلنا شي ،،، بس حبوبه انتي تعرفين أو بالاحرى متأكده من الشخص اللي تكلمه ؟؟!! انتي شكيتي بس بناءا على البطايق وانها اتصك باب الحجره ما يصير اختي ،،،

لو منج أتاكد من الشخص اللي اتكلمه ،،، يعني عن طريق موبايلها ،،، لا تحطين في ذمتج لين تتأكدين ،،، ساعتها اقدر اتصرف وانبه ريلها عن طريق شخص ثالث ومن بعيد لبعيد ،،،

لا تقوليله انتي مش متاكده"ربي يهديها

حبيبتي انتي مب متأكده هي تكلمه ولا لا
فاذا رمستي وطلعت الحرمه ماتكلم حد انتي بتتوهقين وبياخذون فكرةانج غيرانه منها وتبين تخربين بيتها
من رايي لاتتدخلينوتسوينلج عداءات انتي فغنى عنها
اذا ترمس الا مايي يوم وتنكشف