خواتي اريد منكم المساعدة العاجلة .. خدامتي فلبينية بتخلص مدتها بعد شهر وبتسافر .. واريد اييب خدامة بس محتااارة ما اعرف شو اييب من جنسية لانه عندي اطفال وانا موظفة ارجع الساعه 3 العصر للبيت .. حد يمدح الفلبينيات وحد يمدح الهنديات وحد يمدح الكينيات .. بس الاندنوسيات مستحيييييل اييبهن راعيات سحر وشعوذة .. انا عندي اربع اطفال واحد منهم يروح المدرسة والباقيين بالبيت .. اعمارهم من خمس سنوات لين سنه .. انا انسانه احب النظام والنظافة في بيتي .. والخدامة اللي تحترمني احطها فوق راسي .. ما احب اغلط عليهن ابدا الا اذا حسيت انها زودتها او مامشت عدل .. واذا كانت زينه ازيدها في راتبها .. يعني اتعامل معاهن بمبدآ الاخلاق والاحترام .. عطوني رايكم في نوع الخدامة المناسبة لظروفي .. ووين افضل مناطق اللي فعلا محتاجين للشغل سواء الفلبين او الهند او غيرها ؟؟؟لانه بعظهن تيي من القرى او الارياف يكونون مزارعين ومحتاجين .. اللي من المدن يوون بطرانات ..
وشكرا لكم مقدما لتقديم المعونه
وشكرا لكم مقدما لتقديم المعونه
الله يوفقج اختي
ان شاء الله البنات يفيدونج
ان شاء الله البنات يفيدونج
محد يمدح الهنديات موب نظيفات، احسلج فلبينيه . أما عن المناطق من وين ما اعرف بس يفضل ما تبين من مانيلا العاصمه
خواتي من تجاربكم افيدوني يزاكن الله خير الوقت يمضي وبعدني ماقررت لاني ابا اهتمام باطفالي اكثر من البيت .. بس مو معناته اتركها تخلي البيت وصخ ومقررة اييب ثنتين .. هل ينفع اجم
خليكي على الفلبينية
خدامتك خليها تاخذ اجازه شهرين ورديها
احسن من تغيرهم كل شوي
احسن من تغيرهم كل شوي
الله يعينج فديتج لو جفتي ان الفلبينيه زينه وعلى كيف كيفج مثل ماقالت الاخت عطيها اجازه وخليها ترد وزودي لها شوي المعاش …
لو جايفه انها مب زينه خذي اثيوبيه فتتحوا المجال …واستخيري الله سبحانه وتوكلي على الله