ولدي مب متقبل الحضانه بالمررررررره يوم يشوف شكل المدرسه الصبح يبدا يتعلق فيني ويوم ادخله يلصق فيني واذا حاولت وحده من المعلمات تشله يتم يصييييح ما يبا يهدني فالبدايه قلت بتم وياه جان يقولولي المعلمات ممنوع لان باقي اليهال يوم بيشوفونج بيتمون يصيحون يذكرون امهاتهم يعني تم دقايق وسيري ويوم اطلع يتم يصيح يسكتونه يشارك فاللعب وبعدين يذكرني ويصيح حتى يوم ارد الحضانه يشوفني يتم يصيح شوووو اسوي باقي الطلاب عاديين ما يصيحون
هو طفلي الوحيد ومتعلق فيني واايد وشوي دلوع لاني ساكنه فبيت اهل ريلي ومحد يقوله لا هو حفيدهم الوحيد اللي اتريوه سنوااات طوال 
ابا اعيد تكوين شخصيته ما اباه يكون مدلل واباه يعتمد على نفسه شوي شوي انا مدخلتنه الحضانه عشان يبدا يتكلم لانه متاخر فالكلام عمره 3 سنوات واذا سالته عن اسمه ما يعرف يرد يعرف الحروف والارقام وبعض الجمل بس باقي كلامه مووول شوووو احل كيف احبب ولدي بالحضانه واخليه اجتماعي انا اوديه 3 مرات فالاسبوع يعني لين الحين سار 9 مرات
لاني كنت مضطرة كوني موظفه و ضلهم بصراحه فترة طويله ل تعودو على الحضانة بس بالاخر سلكت و ضليت ادعي ربي انه يحببهم بالحضانة بالاخر الحمدلله و بعد معاناه اتعودو و لله الحمد ..
ان شاالله الله بخلليلك ابنك و يذلل امامك الصعاب .