مبتدأه فالميك اب وتبين الفراشي الاساسيه عيل تعالي لوليتا بتعطيج العلوم ^.*

انتي مبتدأه وتبين الفراشي الاساسيه..طلبج عندي حبوبه..^.^..

ماشاء الله عندج خبره بعد حياج عندي زيادة الخير خيرين..

بناء على طلب بعض من الخوات حبيت انزل هالموضوع وان شاء الله اكون عند حسن الظن ووفيت بالوعد..!!

طبعا" الفراشي اللي عارضتها للمبتدأت يعني الخبيرات اكيد عندهم فراشي اكثر..

بس بما ان الموضوع حق اللي توهن بدن يتعلمن فالميك اب حبيت ابسط الموضوع..

عندي فراشي وايد بس ما اريد اعقد الخوات ..لوووول ف بحط الاشيا الاساسيه وفيها تقدرين تسوين ميك اب كامل وحلوو

نبدا بس الله..

اولا" فراشي الويه و الاساس..

فرشاه رقم 187 هاي روووعه للفاونيشن وتوزع بطريقه عجيييبه ..بس المهم تعرفون الطريقه..!! اذا في حد ما يعرف كيف يوزع فيها الاساس يقولي وان شاء الله بشرح الطريقه..!!

استخداماتها عديده: توزيع الاساس وتقدرين بعد توزعين فيها الباودر..+ انا ارش عليها الفكس واربت على ويهي بالفرشاه بدال ما اني ارش الفكس مباشره على ويهي..!!

فرشاه رقم 168 ..
اسمها angled contiur brush

لها استخدامات عديده منها تحديد عظمة الخد..وتقدرين تستعمليها ك فرشاة بلاشر..يعني 2 في 1..

بالنسبالي اشوف هالفرشاتين كفاية حق فراشي الويه..!!

وفراشي العيون..

فرشاة رقم :239
اعتبرها من الضروريات لانها وايد حلوه هالفرشاه للشادو ..تستعملينها للجفن المتحرك..

فرشاه رقم 217 (البيضا)
فرشاة رقم 224 (السودا)

فراشي للدمج وجد جد روووعه وانصحكم فيها..!! واحد منهم يكفي ..!!

تستعملينها للشادو اللي تحطينه ع عظمة العين ووتقدرين فيها انج تجمعين شادو الجفن المتحرك بالشدو اللي فوقه..(ماعرف اشرح ) لوووووووول ..!! وطريقة الدمج انج تحركين الفرشاه بطريقه دائريه عالشادو وهو بدوره يدمجلج اللونين بطريقه حلوه..

ملاحظه: اهم نظقه ما تضغطين وانتي تدمجين عشان ماتخربين الشادو.

فرشاة رقم: 208
واسمها : angled brow brush

هالفرشاه لها استعمالين..للاي لاينر وهاي اعتبرها سهله حق اللي ما تستخدم فرشاة الاي لاينر العاديه..
و للحواجب..!!

فرشاة رقم:209

هالفرشاه حق الاي لاينر ..ومب ضروريه لو عندج فرشاة 208

هاي بتكون صعبه حق اللي ماتعرف تتحكم بالفراشي عدل..يعني (اختياري)

وبجي بكون خلصت الموضوع وان شاء الله اكون افدتكم بمعلومه لو هي بسيطه..!!

طبعا" مثل ما قلت في فراشي وايد بس بالنسبالي اشوف هاي كفايه حق اللي توها تتعلم ..!!