لأن ردودكم وااايد اتريحني … مشكلتي هي يمكن انا حساسه بس
الحمدلله الحمدلله ربي رزقني ببنت من 9 شهور وهاي البجر لي … وأنا من يوم ايام المدرسه كنا شلة بنات … من 6 بنات يمكن … المهم وكنا دوووم على تواصل لين يومكم … المهم … تقريبا اغلبيتنا عرسنا … وأنا اللي حملت فيهم أو لوحده ويوم ربيت ولاااااا وحده فيهم يتني زارتني لا في المستشفى ولا في البيت استغربت واااايد … لان نحن ربع ودوووم اتصالات وساعات زيارات … المهم سويت عزيمة بوفيه عشاء جريب ما بخلص من الاربعين اتخيلو في العزيمة كلها محد يه غير 3 بنات مع اني كنت عازمه فووق ال 17 بنت وحرام الاكل كله تم …وااايد انصدمت مع اني كنت مسويه العشاء في يوم هم مب مشغولين فيه قبل العزيمة بكم ساعه كل حد طرش لي مسجات (اسمحيلنا ) قلت ما عليه
ويزاهم البنات اللي يوني ما قصروا … المهم وحده من هاالقروب معرسه وماخذه واحد من برع البلاد
دولة خليجيه طبعا انا عاذرتنها لين مب في البلاد المهم يوم ربت يت عند امها وانا سرت وزرتها
والحين في وحده منهم مربيه وكل ساعه تتصل لي وحده انا بسير حق فلانه بتسيرين وياي .. والله واااايد حز في خاااطري يعني ليش زاروها وليش ما زارونـي أنا كل ما تتصل لي وحده قلت الها عقب أنا بسير مب الحين من الضيجه والله … الحين هاي اللي ماخذه من برع بتي بعد كم يوم توها اتصلت اتقولي لا اتسيرين اتريني لين ما ارد وبسير ويااج ،، قلت الها انتي يايه عشانها ولا ؟
قالت لي طبعا لا عشان اهلي وبزورها مره وحده ،،،
انا وااااااااااااااايد حاااااااااااز بخاطري ليش محد زارني يوم انا ربيت …
بغيت أسمع منكم لو انتو مكاني شو بتسون عااادي بتزرزونهم ولا بتقطعونهم …
وبغيت أسوي عزيمه عوووده لكل ربعي القرووب وغير القررروب لاني من عرست ما عزمت أي وحده من ربعي في بيتي .. شو رااايكم أسويها ولا؟؟؟
حبيبتي انتي سوي الوااجب ومااعليج
وكلن له ظروووفه
لا تضاايجين وهدي
والف الف مبروووك عالبنووته وتتربى بعزكم^^
ويوم تسوين عزيمه ثانيه اكدي عليهن بالمسجات شرات (( يااويلج لو مايتي عزومتي مسويه اكله عشانج )) >>> عادي تهديد رقيق وناعم
وان شاءالله الخوات يفيدونج اكثر عني 
شوفي شوه الي يريحج…ترى نحن بعد مستغربات من تصرفهن
ماعرف شوه بلاهم البشر
ليش تغيرون علينا فجأة…التمسي لهن 70 عذر
اذا ترومين تروحين روحي..واذا حسيتي انج مضغوطه
لا تروحين…لان عجيب تصرفهن..
عاد انا شخصيتي قويه في هالسوالف…ما اطوفه
واعطي على راسهن..انتي يمكن اتخافين يزعلن منج
والله يعينج ويسخر لج الافضل
مبرووووووووووك عليج الكتكوته
وان شاء الله فخر امها وابوها
وربي يسخرها لكم واتكون ذخر لدينها ووطنها
كل واحد وعذره .. ابرايهم
دمتي بحفظة